बाँके कार्तिक २४ गते ।
नेपालगन्जको ट्राफिक व्यवस्थापन अस्तव्यस्त भएको छ । नेपालगन्ज उपमहानगरपालिकाले पार्किङ स्थलका लागि पहल नगर्दा नगरको ट्राफिक व्यवस्थापन अस्तव्यस्त भएको हो ।
नेपालगन्ज उपमहानगरपालिकाका मेयर डा धवलशम्शेर राणाले पहल नगर्दा नगरको ट्राफिक व्यवस्थापन अस्तव्यस्त भएको बताइन्छ । नेपालगन्जको त्रिभुवन चोक, त्रिबेणीमोड, सदरलाइन, एक्लैनी, विपी चोकदेखि त्रिभुवन चोक खण्ड, घरबारीटोलबाट बागेश्वरी मन्दिर निस्कने रुटमा जाम नै लाग्ने गरेको छ ।
पसलेहरुले सडकमै पार्किङ गर्दाको समस्या त छदै छ अर्को तर्फ मेयरले पार्किङका लागि स्थान टुंगो लगाउन समेत नसक्दा नगरको ट्राफिक व्यवस्थापन फितलो बनेको हो । एकजना ट्राफिक प्रहरी भन्दै थिए हामीले लागेर मात्र नगरको ट्राफिक व्यवस्थापन हुने होइ्न मेयर सावले पनि भूमिका निभाउनु पर्यो ।
उनको यो भनाइले पनि पुष्टि गर्छ ट्राफिक व्यवस्थापनमा मेयर राणा गम्भीर छैनन् । नगरको ट्राफिक व्यवस्थापन फितलो हुँदा दुर्घटनाको जोखिम उत्तिकै बढेको छ । अटो र मोटरसाइकल त दैनिक जस्तो दुर्घटना भइरहेको प्रहरीको भनाइ छ । धन्न अहिलेसम्म ठूला दुर्घटना भएका छैनन् ती ट्राफिकले भने सानातिना दुर्घटना त प्राय भइरहेकै हुन्छन् ।
ट्राफिक प्रहरीले उपमहानगरपालिकासँग समन्वय गरेर ट्राफिक व्यवस्थापनका लागि पहल गरेपनि मेयर राणाले चासो नै नदिने गरेको उनको भनाइ थियो । पार्किङ स्थल सुनिश्चित गरेर कार्यान्वयन नगरेसम्म नेपालगन्जको ट्राफिक व्यवस्थापन सम्भव नै नरहेको उनको भनाइ छ।
Discussion about this post