खोजखबर संवाददाता बाँके पुस १६ गते ।
बाँकेको नेपालगन्जमा नेपाल भ्रमण बर्ष २०२० लाई स्वागत गरिएको छ । नेपालगन्जको सिद्धार्थ भ्यू मा आयोजना गरिएको नेपाल भ्रमण बर्ष सन् २०२० को प्रदेश नं ५ का मूख्यमन्त्री शंकर पोख्रेलले गएराती १२ बजे शुभारम्भ गरेका हुन् ।
मूख्यमन्त्री पोख्रेलले आजै बाँकेको खड्कवारमा नेपाल भ्रमण बर्षको अवसर पारी हात्ती सफारी, जंगल सफारीको उद्घाटन गरेका हुन् ।
मूख्यमन्त्री शंकर पोख्रेलले नेपाल भ्रमण बर्ष २०२० को शुभारम्भ कार्यक्रमलाई सम्बोधन गर्दै नेपाल भ्रमण बर्ष मनाउदै गरेको अवसरमा नेपालीहरुको समृद्ध राष्ट्र, सुखी नेपाली गर्ने अभियानमा भ्रमण बर्ष २०२० सार्थक हुने बिश्वास ब्यक्त गरे ।
नयाँबर्ष सन् २०२० को उपलक्ष्यमा शुभकामना ब्यक्त गर्दै सन् २०२० नेपालीहरुका लागी भ्रमण बर्ष आयोजना गरिएकाले बिशेष बर्ष भएको बताए ।
उनले नेपालमा आउने तेश्रो मूलुकका पर्यटकहरुको संख्यालाई दोब्बर गर्ने नीति अन्तरगत नेपाल भ्रमण बर्षको आयोजना गरिएको स्पष्ट पार्दै नेपालका पर्यटन पर्यटन क्षेत्रको
बिकासमा भ्रमण बर्ष कोशेढुंगा साबित हुने बताए ।
नेपाल भ्रमण बर्ष २०२० आज देखि औपचारिक रुपमा शुभारम्भ हुदै गरेको नेपाल भ्रमण बर्ष २०२०, प्रदेश नं ५ का सदस्य भाष्कर काफ्लेले बताए ।
उनले आजै बाँके राष्ट्रिय निकुञ्जमा मूख्यमन्त्रीकै उपस्थितिमा जंगल सफरीको बिधिवत रुपमा उद्घाटन गरिएको बताउदै नेपाल भ्रमण बर्षमा २० लाख पर्यटक ल्याउने गरि राज्यले बनाएको योजना अनुसार बाँकेका निजि क्षेत्रका होटल तथा रेष्टूरेण्ट ब्यबसायीहरु अत्यन्तै उत्साहित भएको बताए ।
नेपाल भ्रमण बर्ष २०२० को अवसर पारेर बाँकेमा आयोजना गरिएको कार्यक्रमले यस क्षेत्रमा पनि हात्ती सफरी र जंगल सफारीको सम्भावना भएको नेपाल भ्रमण बर्ष २०२०, प्रदेश नं ५ का अर्का सदस्य कृष्ण चौधरीले बताए ।
उनले हात्ती सफारी र जंगल सफारीले बाँके राष्ट्रिय निकुञ्जमा बाघको अवलोकन गर्न पाईने बताए । बाघको अवलोकन गर्न पाईने भएकाले स्वदेशी तथा बिदेशी पर्यटकलाई आकर्षण गर्ने कृष्ण चौधरीले बताए ।
नेपाल भ्रमण बर्ष २०२० लाई केन्द्र, प्रदेश, स्थानीय सरकार र निजि क्षेत्रले अझ बढी जिम्मेवार भएर लिन जरुरी छ । पर्यटन क्षेत्रको बिकास गर्न सके आन्तरिक र बाह्य पर्यटन अत्याधिक मात्रामा भित्र्याई देशको आर्थिक स्थिती सुधार्न मद्दत पुग्ने देखिन्छ । (भिडियो हेर्नुस् )
Discussion about this post