अवैध असुलीमा नाम सार्वजनिक हुने डरले जमुनाह नाकामा सशस्त्रको नेमप्लेटविहीन डिउटी
बाँके पुस ४ गते ।
नेपालगन्जको जमुनाह नाकामा खटिने सशस्त्र प्रहरीले नेमप्लेट हटाएर डिउटी गर्न थालेका छन् । नाकामा अवैध असुलीमा सक्रिय बनेका सशस्त्र प्रहरीले नाम सार्वजनिक हुने डरले नेमप्लेट हटाएर डिउटी गर्न थालेका छन् । मिडिया, अख्तियार तथा मानवअधिकारकर्मीहरुले नाकामा सशस्त्र प्रहरीमा अवैध असुलीको निगरानी बढाएपछि नाम पर्दाफास हुने डरले नेमप्लेट हटाएर डिउटी गर्न थालेका हुन् । डिउटीमा खटिने सुरक्षाकर्मीका लागि नेमप्लेट अनिवार्य मानिन्छ ।
महेन्द्रनगर गण बाँकेका एसपी अशोक कुमार बमले डिउटीमा खटिने सशस्त्र प्रहरीले अनिवार्य नेमप्लेट लगाउनु पर्ने बताउँनुहुन्छ । ‘डिउटीमा खटिने प्रहरीले नेमप्लेट अनिवार्य टास्नु पर्छ उहाँले भन्नुभयो—‘नेमप्लेट विहीन डिउटी गर्न मिल्दैन् ।’ शनिवार अनलाइन खोजखवर नाकामा स्थललगत रिपोर्टिङमा खटिएका बेला नाकाको मुख्य गेटमा तीन जना सशस्त्र प्रहरी नेमप्लेटविहीन डिउटी गरिरहेका थिए । नेमप्लेट डिउटी गर्दा नाकाबाट हुने अवैध असुलीको पर्दाफास हुने र नाम सार्वजनिक हुने डरले नयाँ जुक्ती निकालेको बुझीएको छ ।
संघीय सरकारकै निर्देशनमा सशस्त्र प्रहरीले नाकामा हुने अवैध चोरी तस्करी रोक्न ठाउँठाउँमा विओपी पोष्ट स्थापना गरेको छ । आयात–निर्यातलाई ब्यवस्थित वनाउन सिमा नाकामा भन्सार कार्यालय राखिएका छन् । सिमाको सुरक्षा तथा चोरी तस्करी नियन्त्रण गर्नकै लागि सशस्त्र प्रहरी खटाइएका छन् । अझ पछिल्लो समयमा सशस्त्र प्रहरीका बोर्डर आउट पोष्ट (बिओपी) थप्ने क्रम जारी नै छ । तर, तिनै प्रहरी असहयोगी र तस्करमैत्री भइदिँदा राजश्व संकलनको अवस्था भने चिन्ताजनक छ । लकडाउनका बेला मात्रै प्रहरीले पटक–पटक भारतीय क्षेत्रबाट नेपाल छिराइएको अवैध सामान नियन्त्रणमा लियो । जसमध्ये रजनीगन्धा, तुलसी, सुपर पावर लगायतका सूर्तिजन्य पदार्थको परिमाण आधाभन्दा धेरै छ ।
अहिले ती पोष्टहरु नाकाबाट हुने अवैध धन्धा रोक्ने भन्दा पनि तस्करसँग साँठगाँठ गरेर अवैध असुलीमा सक्रिय भएका हुन् । त्यसको गतिलो प्रमाण शनिवार भारतीय बजार रुपैडियाबाट दुई जना नेपालीले एउटा स्कुटरमा ब्याट्रि भित्र्याए । जवकी मुख्य नाकामै नेपाल प्रहरी र सशस्त्र प्रहरी डिउटीमा थिए । स्कुटी सरर आयो, डिउटीमा खटिएका प्रहरीले देखे पनि नदेखे झै गरे । र, स्कुटीमा राजश्व छलेर ब्याट्रि भित्र्याइयो । सामानको परिमाण हेरेर १० रुपैयाँदेखि ५ सय रुपैयाँ लिने गरेको छ । अवैध असुलीमा सशस्त्र प्रहरी लागेको अर्को प्रमाण पनि अनलाइन खोजखवरसँग छ ।
सामान लिएर नाका प्रवेश गरेका एकजनासँग सुरक्षार्थ खटिएका ती जवानले पचास रुपैयाँ असुलेको आफै स्विकार गरेका थिए । नाकामा सशस्त्रको यो गतिविधि देख्दा यस्तो लाग्छ सशस्त्र प्रहरीलाई नाकामा अवैध असुलिकै लागि खटाइएको छ । बाँकेका प्रमुख जिल्ला अधिकारी रामबहादुर करुम्वाङले भ्रष्टाचारलाई शुन्यमा झार्ने पटकपटक घोषणा गर्र्दै आउनुभएको छ ।
तामझामका साथ नाकामा पुग्ने पनि गर्नुहुन्छ । तर सशस्त्र प्रहरीको अवैध असुलीबारे यती मिडियावाजी हुँदा पनि सिडियो मौनधारी हुनुमा कतै उहाँकै संरक्षणमा त यो भइरहेको छैन् ? जिज्ञासा बनेको छ । सिडिओ कुरुम्वाङलाई यसबारे बुझ्न खोज्दा उहाँको फोन उठेन् ।
Discussion about this post