बाँके पुस ११ गते ।
बाँकेमा पछिल्लो ६ महिनामा ४ सय ६८ फरार प्रतिवादी पक्राउ परेका छन् । बाँकेका एसपी ओम रानाका अनुसार एक सयबढीले अदालतमा आफै आत्मसमपर्ण गरेका छन । बाँकेमा आफू बस्दासम्म एक हजार जना यस्ता फरार प्रतिवादी पक्राउ गर्ने योजना रहेको उनी बताउँछन । उनका अनुसार यसरी पक्राउ पर्ने फरार प्रतिवादीमा कर्तव्य ज्यान, ज्यान मार्ने उद्योग, चोरी, कुटपीट, लुटपाट, बलात्कार, जुवातास, बहुविवाह लगायतका घटनामा संलग्न रहेका व्यक्ति छन ।
जसमा असारमा आठ, साउनमा ५६, भदौमा २ सय ७ जना पक्राउ परेका छन । प्रहरी सक्रियता र नागरिकको सहयोगबाट असोजमा ७०, कार्तिकमा ३, मंसिरमा ५२ र पुसमा १ जना विविध घटनामा संलग्न फरार प्रतिवादी पक्राउ परी कानूनी दायरामा ल्याइएका छन ।पोखराबाट सरूवा भै नेपालगन्ज आउँदा एसपी रानाले आफ्नो कार्यकालमा गर्ने मुख्य १७ बुँदे कामको कार्ययोजना अगाडि सारेका थिए । जसमा उनले लागूऔषध, शान्ति सुरक्षा, आपराधिक गतिविधी नियन्त्रणलाई मुख्य प्राथमिकता देखाएका थिए । त्यसै अनुरूप अहिले बाँके प्रहरीले यी योजनामा सफलता हासिल गर्दै गएको छ ।
हरेक नागरिकलाई छिटो, छरितो, सरल, समान र नागरिकमुखी सेवा प्रवाह गर्ने काम कार्य योजनानुसार अहिले एसपी राना शनिबार पनि कार्यालयमा नागरिककै सेवामा लागि परेका छन । भारतसँगको खुल्ला सिमा नाका जोडिएको हुँदा हुनसक्ने सिमा अपराध, चोरी, निकासी तथा पैठारी नियन्त्रण गरिएको छ । बाँके प्रहरी एसपी रानको सक्रियता र प्रयासमा यतिबेला नागरिकमुखी सेवा प्रवाहमा लागिरहेको देखिएको छ । सला कार्यान्वयनमा बाँके प्रहरी प्रदेश अन्तगर्तका जिल्ला प्रदेशमै सर्वोकृष्ट देखिएको छ ।
पोखराबाट सरूवा भएर ६ महिनाअघि बाँके आएका प्रहरी प्रमुख एसपी ओमबहादुर रानाको सक्रियतामा प्रहरीले यसरी सफलता हात पारेको हो । रातदिन नागरिकको सुरक्षा र सेवामा खटिने एसपी रानाकै सक्रियता र योजनाअनुसार यतिबेला बाँकेमा लामो समयदेखि फरार रहेका प्रतिवादीहरू धमाधम पक्राउ परेका छन ।कतिपयले पक्राउ पर्ने डरका कारण आफै अदालतमा आत्मसमपर्ण समेत गरेका छन । कतिपय पक्राउ पर्ने डरले गाउँ नै छाडेर भारततिर पलायन भैरहेका छन । यसले पनि गाउँमा शान्ति सुरक्षा बढेको छ ।
लुटपाट कुटपीट तथा अपराधजन्य गतिविधीमा रोकथाम भएको छ । लागु औषध नियन्त्रणलाई तीब्रता दिएका एसपी राना आफै खटिने गरेका छन् । लागु औषध नियन्त्रणका लागि बाँके प्रहरीले सशक्त भूमिका निर्वाह गरेको छ । लागु औषध महाअभियान अन्तर्गत खजुरामा आयोजित अन्तरक्रिया कार्यक्रममा बाँकेका एसपी रानाले जिल्लाका ८१ वटै वडामा यो अभियानलाई सशक्त पारिएको जानकारी गराउनुभएको हो ।लागु औषध नियन्त्रण बाँके प्रहरीको पहिलो प्राथमिकतामा रहेको उहाँको भनाइ छ ।
एसपी राना पछिललो दिन नाकामा आफै खटिने गरेका छन् । नाकाबाट हुने अवैध धन्दाको सुइको पाएपछि उनी स्वयम आफै त्यहाँ पुग्ने गरेका हुन् ।
Discussion about this post