लागु पदार्थ दुव्र्यनिकर्ता बढ्दै गएकोमा सरोकारवालाहरुको चिन्ता

बाँके चैत ४ गते ।
बाँकेमा लागु पदार्थ दुव्र्यसनि तथा कारोवारीहरु बढ्दै गएको भन्दै सम्बद्ध सरोकारवालाहरुले चिन्ता व्यक्त गरेका छन् । नेपालगन्जमा आज आयोजित लागु औषध सम्बन्धित बृह्द प्रशिक्षण कार्यक्रमका सहभागी सम्बद्ध सरोकारवालाहरुले लागु पदार्थको प्रयोग र कारोवार बढ्दै गएकोमा चिन्ता व्यक्त गर्दै नियन्त्रणमा प्रभावकारी भूमिका चाल्नुको विकल्प नभएको औल्याए ।

खुल्ला सीमानाका कारण बाँकेमा लागु पदार्थ दुव्र्यसनि नियन्त्रण चुनौतिपूर्ण बनेको छ । खुला सीमानाका भएका कारण सहज आउजाउका कारण लागु पर्दाथको प्रयोग र कारोवार बढेको नियामक निकायहरुको भनाइ छ । बाँकेमा लागु पदार्थमा बालबालिका तथा किशोरकिशोरी समेत फसेका छन् ।

प्रहरीले लागु पदार्थ प्रयोगकर्ताहरुलाई जेलमा कोचेरमात्र नहुने भन्दै आवश्यक परामर्श दिन जरुरी रहेको नारक्वारननका अध्यक्ष पुजा क्वँरले बताउनुभयो । अहिले प्रहरीले प्रयोगकर्ता र कारोवारीलाई धमाधम पक्राउ गर्दै कारवाही गर्ने गरेको छ । यो हिसावलेमात्र लागु पदार्थ दुव्र्यसनि कम नहुने क्वँरको बुझाइ छ ।

कोहलपुर नगरपालिकाका उप प्रमुख सन्जु कुमारी थारुले लागु पदार्थ नियन्त्रणका लागि यो विरुद्ध काम गर्ने संघसस्था र प्रहरीले घरघर र टोलटोलमा पुगेर जनचेतना जागृत गर्नुपर्ने बताउनुभयो । सीमानाकाबाट सहजरुपमा आयात हुने लागु पदार्थलाई रोक्न प्रहरीले निगरानी कडा पार्नु पर्ने उहाँको सुझाव छ ।