जावेद अन्सारी
बाँके चैत ५ गते ।
नेपालीहरुको मुख्य बजार भनेकै रुपैडिया हो । दैनिक उपभोग्य बस्तुदेखि लत्ताकपडा खरिदका लागि ठूलो संख्यामा नेपालीहरु भारतीय बजार रुपैडिया जाने गरेका छन्। नेपालगन्ज बजार छाडेर छिमेकी जिल्लाका उपभोक्ता समेत सिधै रुपैडिया पुग्ने गर्छन् । सस्तो मूल्यमा सामान पाइने भन्दै रुपैडिया जाने उपभोक्ताहरुले जाँदा र आउँदा भने भारतीय सुरक्षाकर्मी एसएसवीको हप्कीदप्की खाइरहनु परेको छ ।
दैनिक लाखौ रुपैयाँ रुपैडिया बुझाउने नेपालीले एसएसवीको अनावश्यक हप्कीदप्की खाँदा समेत नेपालीहरु भारतीय बजार जानेक्रम रोकिनुको साटो झन बढेको छ । भारतीयहरु नेपाल आउँदा सहज तरिकाले आउजाउ गर्छन । तर नेपालीहरुलाई भारतीय सुरक्षाकर्मीले दुव्र्यवहारपूर्ण व्यवहार गर्ने गरेको छ ।
रुपैडिया जाँदा सवारी साधन जान प्रतिबन्ध लगाएको छ । आउनेबेला पनि रिक्साबाट समेत नेपालीहरुलाई झार्ने गरेको छ । नेपालीहरु सामान बोकेर सीमा पार गर्न बाध्य भएका छन् । झोलीझप्टी र सरसामानसहित हिडेर आउनु पर्दा ठूलो दुख हुने गरेको छ । रुपैडियाबाट सामान खरिद गरेर नेपाली रुपैयाँ भारत बुझाएर पनि भारतीय सुरक्षाकर्मीले नेपालीलाई दुव्र्यवहार गर्ने गरेको नेपालीहरु दुखेसो पोख्छन्।
भारतीय नागरिकहरु नेपाल आउँदा जुन सहजताका साथ आउँछन त्यस्तै सहजताका साथ नेपालीहरु रुपैडिया जान कठिन् रहेको उनीहरु बताउँछन् । भारतीय नागरिकहरु सहजै नेपालतिर सवारीसाधन लिएर आउन पाउँछन भने नेपालीहरुले आफ्नो सवारीसाधन त के पैदल हिडेर जाँदा समेत एसएसवीले अनावश्यक सोधपुछ गर्ने गरेका छन् ।
एसएसबीले सवारीसाधन सवारी साधन भारत लिएर जान नपाउने नियम बनाएको छ । नेपालीहरुले भारतीय सवारीसाधन समेत नेपाल प्रवेशमा रोक लगाउनु पर्ने माग गर्दै आएका छन् । हामीले रुपैडिया पनि गाडी लैजान नपाउने भए भारतीय गाडी पनि आउन दिनु हुदैन् नेपालीहरुको भनाइ छ ।
नेपाल भारत खुल्ला सीमानाकाबाट अवैध तस्करी भइरहेकै छ । मुख्य नाका जमुनाहमा नेपालीहरुलाई कडाइ गरेर दुख दिने तर चोरबाटोबाट सेटिङ गरेर तस्कर गर्ने गरेको नेपालीहरु बताउँछन्। जमुनाह नाकाको पुर्ब पश्चिम खुल्ला सिमाबाट एसएसबीको सेटिङमा तस्करी हुने गरेको छ । बाँकेका गृहप्रशासन मुख दर्शक हुँदा नेपालीहरुले सीमामा पाउनु दुख पाएका छन्। यहाँका ठूला राजनीतिक दलहरुले पनि नाकामा नेपालीहरुले पाउने दुखबारे बेखवरजस्तै भएका छन् ।
Discussion about this post