बाँके चैत २१ गते ।
नेपालगञ्जस्थित राझा विमानस्थलमा जहाजमा खरायो ठोक्किएको छ ।बुद्ध एयरको जहाज ल्याण्ड हुने क्रममा खरायो ठोक्किएको हो ।
जहाजसँग ठोक्किएको खरायोको मृत्यु भएको छ । जहाजमा खरायो ठोक्किएपछि केही उडान रोकिएको थियो । उडान सुचारु भएको छ ।नेपालगञ्ज विमानस्थलमा यसअघि पटक पटक जहाजमा बँदेल ठोक्किएको थियो ।
बँदेल ठोक्किने क्रम बढेपछि विमानस्थल कार्यालयले धावनमार्ग नजिकको झाडी सफाई गरेको थियो । विमानस्थल कार्यालयमा झाडी सफाईका लागि समेत बजेट नआउदा नियमित सफाई हुन सकेको छैन ।
शुरुमा नेपाली सेना, प्रहरी र सशस्त्र प्रहरीले झाडी सफाई गरिदिएकोमा पछि विमानस्थल कार्यालयले मजदुर लगाएर सफाई गरेको थियो ।
धावनमार्ग नजिक रहेको झाडीमा जंगली जनावर रहेकाले विमानस्थलमा जनावर ठोक्किने जोखिम रहदै आएको छ ।
ADVERTISEMENT
Discussion about this post