जावेद अन्सारी
बाँके पुस २ गते ।
लागु औषध नियन्त्रणका लागि बाँके प्रहरीले सशक्त भूमिका निर्वाह गरेको छ । लागु औषध महाअभियान अन्तर्गत खजुरामा आयोजित अन्तरक्रिया कार्यक्रममा बाँकेका एसपी ओमबहादुर रानाले जिल्लाका ८१ वटै वडामा यो अभियानलाई सशक्त पारिएको जानकारी गराउनुभएको हो ।
लागु औषध नियन्त्रण बाँके प्रहरीको पहिलो प्राथमिकतामा रहेको उहाँको भनाइ छ । अहिलेपनि लागु औषधका मुद्धामा हिरासतमा धेरैको संख्यामा रहेको बताउनुभयो। खुला सीमानाका कारण लागु औषध नियन्त्रण चुनौतिपूर्ण भएपनि प्रहरीले ती अपराधमा संलग्नहरुलाई कारवाही र नियन्त्रणमा लिनेक्रम नरोकिएको बताउनुभयो। जेलमा आज पनि आधाभन्दा बढी सजाय खेपीरहेको उहाँको भनाइ छ ।
उहाँले आफ्ना छोराछोरीमाथि निगरानी बढाउन अभिभावकहरुलाई आग्रह गर्नुभयो । बाँकेमा लागु औषधको कारोवार गर्ने र प्रयोग गर्नेको संख्या चुनौतिपूर्ण बनेको उहाँको भनाइ छ । लागु औषधको दलदलमा साना बालबालिका समेत फस्न थालेको भन्दै उहाँले यो सबैभन्दा चुनौति र भयावह अवस्था भएको उहाँको तर्क छ । अहिलेको अवस्थामा कलिला बालबालिकाहरुलाई नै लागु औषधको दलदलबाट बचाउनु मुख्य चुुनौति छ एसपी रानाले भन्नुभयो ।
लागु औषधमा फसेकालाई कसरी व्यवस्थापन गर्ने र लागु औषधमा फस्नै नदिन के गर्ने भन्नेबारेमा प्रहरीले अहिले जिल्लाभरी सचेतनामुलक अभियान सुरु गरेको उहाँको भनाइ छ । उहाँले विशेषगरी आफ्ना छोराछोरीमाथि नैतिक शिक्षा सिकाउन जरुरी रहेको बताउनुभयो । उहाँले आफ्ना छोराछोरीले के गर्दैछन् ? उनीहरुको आचारण कस्ता छन् ? त्योबारेमा अभिभावकहरुले गम्भीर ढंगले निगरानी गर्नुपर्ने बताउनुभयो । लागु औषधको कारोवार तथा प्रयोगमा साथीसंगीको भूमिका बढी देखिएकाले त्यसतर्फ ख्याल गर्न उहाँको आग्रह छ ।
उहाँले लागु औषधमा फसेका बालबालिकाहरु खिन्टे र सुक्दै गएको देखिने उहाँले जानकारी दिनुभयो । दुव्र्यसनको लतमा फसेकाहरुले आफ्नो ज्यानको प्रवाह नगरि परिवार र समाजकै लागि घातक काम गर्ने एसपी रानाले बताउनुभयो । उहाँले पाँच छ कक्षादेखि नै आफ्ना बालबालिकामाथि निगरानी बढाउनु पर्ने अभिभावकसँग उहाँको आग्रह छ । उक्त कार्यक्रमको सहजिकरण प्रहरी निरीक्षक सुरज खत्रीले गर्नुभएको थियो ।
Discussion about this post