बाँके पुस ५ गते ।
इन्सेक नेपालगञ्जको आयोजनामा पुस ८ गते नेपाल मानव अधिकार वर्ष पुस्तक २०२१ को प्रकाशन पूर्व वार्षिक समीक्षा सम्पन्न भएको छ । कार्यक्रममा इन्सेक लुम्बिनि प्रदेशका प्रमुख भोला महतले इन्सेकले मानवअधिकारका सवालहरुलाई अभिलेखिकरण गदै आएको बताउदै वर्ष पुस्तकलाई थप परिमार्जन गर्नको लागि सबैको साथको आवश्यक रहेको बताउनुभयो ।
कार्यक्रममा इन्सेक जिल्ला प्रतिनिधि स्मृति देवकोटाले जिल्लामा सङ्कलन गरिएका धम्की र कुटपिटका दुई ओटा, गिरफ्तारीका दुई ओटा, बाल अधिकार उल्लङ्घनका १४ ओटा, महिला बलात्कार तथा यौन दुव्र्यवहारका पाँच ओटा, परिवारजनबाट हत्याका दुई ओटा, घरेलु हिंसाका ४८ ओटा, मानव बेचबिखन तथा ओसार पसारका नौ ओटा, घरेलु स्वास्थ्य अधिकारका १ ओटा, कथित बोक्सीको आरोप १ जना,यातना १ ओटा घटना रहेको प्रतिवेदन प्रस्तुत गरेकी थिइन् ।
कार्यक्रममा जिल्ला प्रशासन कार्यालय बाँकेका सहायक सिडिओ दिर्घराज उपाध्यायले कोभिडको कारण नागरिकहरुले गुमाउनु परेका अधिकारको विषयमा बताउदै अहिलेको बर्षपुस्तमा कोभिडको विषयलाई जोडन आवश्यक रहेको बताउनुभयो । उहाँले इन्सेकले गरेको कामको प्रशन्सा गदै वर्ष पुस्तकको लागि आफुले गर्नुपर्ने सहयोग गर्ने बताउनुभयो ।
राष्ट्रिय मानवअधिकार आयोगका अधिकृत दयाराम पाठकले मानवअधिकारको विषयमा अभिलेखिकरण गर्न अहिलेको समयमा चुनौति रहेको बताउदै घटना अभिलेखिकरण गर्न सबैको समन्वय गर्न आवश्यक रहेको बताउनुभयो ।
जिल्ला सरकारी वकिल कार्यालय बाँकेकी सहायक जिल्ला न्यायाधिवक्त निशा कुसुम पौडेलले बर्षपुस्तकमा बालविवाहको घटनापनि अभिलेखिकरण गर्न आवश्यक रहेको बताउनुभयो ।
बाँके जिल्ला बारका अध्यक्ष जनक बहादुर शाहिले वर्षपुस्तकले स्वास्थ्यअधिकारको विषयलाई उजागर गर्नुपर्ने बताउनुभयो । उहाँले कोभिडका कारण मृत्युभएको घटनाका विषय र घरेलुहिंसाका विषयमा पनि अदालतसंग समन्वय गरेर अभिलेखिकरण गर्न आवश्यक रहेको बताउनुभयो ।
उच्च बारका अध्यक्ष विकास आचार्यले विद्यालयहरुले लिईरहेका शुल्कको विषयमा पनि अभिलेखिकरण गर्न आवश्यक रहेको बताउनुभयो ।
फियान नेपालका प्रमुख सुरेश कुमार गौतमले राहत वितरण , खाद्यअधिकारवाट नागरिकहरु बन्चित रहेको बताउदै उक्त विषयमा पनि जोड दिनुपर्ने बताउनुभयो ।
आईएचआरसिको प्रमुख विश्वजित तिवारीले मानवअधिकार वर्ष पुस्तकमा नागरिकताको विषय पनि जोडन आवश्यक रहेको बताउनुभयो ।
Discussion about this post