बाँके चैत ३१ गते ।
२० वर्ष देखि हराएका व्यक्तिलाई बाँके प्रहरीले अबिभावकको जिम्मा लगाएको छ । खोटाङ चिसापानीका ३४ बर्षका बिज्ञान कोइरालालाई आज अविभावकको जिम्मा लगाइएको हो ।
ती व्यक्ति केही दिन अघि नेपालगन्जबाट प्रकाशित कालपृष्ट दैनिक पत्रिकाको कार्यालयमा आएका थिए । बाँके प्रहरीले विज्ञानलाई कार्यालयमा ल्याई सोधपुछ तथा अनुसन्धान गर्ने क्रममा उनी हालको जन्तेढुङगा गाउँपालिका ५ घर भई हाल जिल्ला उदयपुर चौदण्डीगढी नगरपालिका वडा नं. ५ सुन्दरपुर वस्ने वर्ष ३४ को विज्ञान कोईराला रहेको खुलेको हो ।
उनी २० वर्ष देखी वेपत्ता भएको आफैले भनेका थिए । उनले आफुलाई बन्धक बनाएर यौन शोसन गरिएको वयान दिएका छन् । निलसागर असाहय, अशक्त तथा जेष्ट नागरिक सेवा केन्द्रमा राखी उपचार तथा हेरचाह गरि अनुसन्धान भईरहेको र पिडितको परिवार सम्पर्कमा आए पश्चात उनलाई भाई सुवास कोईरालाको जिम्मा दिई घर सम्म पठाउने व्यवस्था मिलाईएको बाँकेका एसपी ओम रानाले बताउनुभयो ।
Discussion about this post