बाँके भदौ ३ गते ।
बाँके प्रहरीले भन्सारछ्लीको खसी बरामद गरेको छ । ई.प्र.का.धनौलीबाट खटिएको प्रहरी टोलीले खजुरा गाउँपालिका- ८ चमकदारपुरबाट ४४ जीउ खसी बरामद गरेको हो ।
ती खसी ट्रकमा लोड गरिरहेको अबस्थामा बरामद गरिएको हो ।
प्रहरीले कोहलपुर नगरपालिका १४ बस्ने वर्ष २० का दिपक रानाले चलाएको भे १ क १२४३ को मिनि ट्रकमा भन्सार छली चोरी पैठारी गरी ल्याएको अन्दाजी नौ लाख चालिस हजार रुपैया बराबरको खसीसहित ट्रक बरामद गरिएको हो ।
बरामद खसी, ट्रक र चालक दिपकलाई आवश्यक कारवाहीको लागी भन्सार कार्यालय नेपालगंजमा बुझाइएको छ ।
अबैध विद्युतिय सामान बरामद
अबैध विद्युतिय सामनसहित एकजना भारतीय ब्यक्ति पक्राउ परेका छ्न । भारत रुपैडिया बस्ने वर्ष २४ का समसुदिन शेषले भन्सार छली चोरी पैठारी गरी ल्याएको विद्युतिय सामानसहित नेपालगन्ज १६ बाट पक्राउ परेका हुन ।
उनन्साठी हजार रुपैया बराबरको सामानसहित पक्राउ परेका उनलाई आवश्यक कारवाहीको लागी भन्सार कार्यालय नेपालगंज बाँकेमा पठाईएको प्रहरीले जनाएको छ ।
Discussion about this post