बाँके पुस ६ गते ।
संघीय सरकारले यसवर्ष बाँकेका चार वटा सडक निर्माण सुरु गर्ने तथा सूरु भइसकेका सडकलाई निरन्तरता दिने योजना बनाएर पठाएको छ ।
डिभिजन सडक कार्यालय नेपालगन्जमार्फत वैकल्पिक सहायक राजमार्ग विकास कार्यक्रम र निर्वाचन क्षेत्र रणनैनिक सडक अन्तर्गत ती सडक निर्माण योजनाहरु अघि बढाइने छ ।
नेपालगन्जको कारकाँदो तालिम केन्द्रदेखि मानव आश्रम हुँदै खजुरा रोड जोड्ने लिंकरोड, कोहलपुर–१२ चप्परगौडीदेखि निबुवा खड्गवार हुँदै घुईयाबारी जोड्ने सडक, नेपालगन्जको फुलबारी मस्जिददेखि कल्लु कसगरको घरसम्म जोड्ने नाला ढकनसहित र रानी तलाउ स्कुलदेखि सगिर अहमद अन्सारीको घरसम्म जोड्ने सडक पनि यसवर्ष निर्माण र स्तरोन्नती गर्ने कार्यक्रम तय गरिएको छ ।
कतिपय सडकहरु पहिलेदेखि नै निर्माणधिन अवस्थामा रहेको डिभिजन सडक कार्यालय नेपालगन्जका प्रमुख होमबहादुर एसीले जानकारी दिनुभयो ।
यस्तै रणनैतिक सडकहरूमध्ये बाँकेमा क्षेत्र नम्बर १ को नरैनापुरदेखि कुम्भर, बैजापुर हुँदै अगैयामा पूर्वपश्चिम राजमार्ग जोड्ने सडक, क्षेत्र नम्बर २ को डुडुवा–२ गन्धैली नालादेखि बेतहनी, अमृतपुर्वा, राजरामपुरुवा, बनकट्टि, मिलनचोकसम्मको सडक र क्षेत्र नम्बर ३ को लागि नेपालगन्जको गणेशमानचोकदेखि परशपुर, गौघाट हुँदै बर्दियाको बढैयाताल जोड्ने सडक रणनैतिक सडक योजनामा परेका छन् ।
यी मध्ये क्षेत्र नम्बर ३ को सडकको निर्माण कार्य अहिलेपनि जारी छ भने अरु सडकका पनि केही खण्ड निर्माण भइसकेका छन् ।
Discussion about this post