दाङ पुस ६ गते ।
घोराहीको सामुदायिक बाल अस्पताल चार वर्षदेखि बन्द अवस्थामा रहेको पाइएको छ । घोराही–१६ स्थित सर्रामा स्थापना भएको सामुदायिक बाल अस्पताल एक वर्ष नहुँदै बन्द भएको हो ।
बन्द भएको चार वर्ष वितिसक्दा समेत संचालनको टुंगो छैन् । २०७३ सालमा १० शैया, एक्सरे मेशिन र ल्याबसहितको सेवा राखेर अस्पताल संचालनमा ल्याइएको थियो । भारतीय दूतावासको सहयोगमा ६६ लाख रुपैयाँ खर्च गरेर अस्पताल निर्माण गरिएको थियो ।
झण्डै ११ कट्ठा जग्गामा रहेको दुई तले अस्पताल भवनको मुख्य गेटमा अहिले ताला लागेको छ । अस्पताल सञ्चालन नहुँदा लाखौंका मेसिन तथा स्वास्थ्य उपकरणहरुमा खिया लागेको छ । अस्पताल परिसर झारपातले ढाकिएको छ ।
आवश्यक पूर्वाधार भए पनि अस्पताल संचालन गर्न आवश्यक आर्थिक स्रोत नभएकाले बन्द गर्नुपरेको अस्पताल व्यवस्थापन समितिका सचिव भोला डाँगीले बताउनुभयो ।
ADVERTISEMENT
Discussion about this post