बाँके माघ ८ गते ।
प्रहरीले नेपालगन्जमा बस्दै आएकी जाजरकोट निवासी १८ वर्षीया युवतीलाई युवाको एक समुहले अपहरण गरी बलात्कार गरेको छ । सोही अभियोगमा प्रहरीले एकजनालाई पक्राउ गरेको छ ।
अरु चारजना फरार छन् । खजुरा गाउँपालिका १ का १८ वर्षीय हरिश सुनारलाई पक्राउ गरिएको प्रहरीले जनाएको छ । घटनामा संलग्न सुशान्त सुनार, सुमित गाहामगर, नवीन थापा र नेप्टे नामले परिचित अर्का युवा भने फरार छन् ।
प्रहरीका अनुसार ती युवती फोटो खिच्न खजुरा गएका बेला अपहरणमा परेकी हुन् ।
सँगै गएका ३ जना केटा साथीलाई ५ जनाको समूहमा आएका उनीहरुले कुटेर लखेटेपछि उनको अपहरण गरेका थिए ।
मोटरसाइकलमा राखेर हरिश चन्द्रले आफ्नै घरमा ती युवतीको बलात्कार गरेको पाइएको प्रहरी उपरीक्षक श्यामकृष्ण अधिकारीले जानकारी दिए ।
युवतीका साथीहरुले दिएको सूचनामा आधारमा खोजी गर्दा हरिशचन्द्रको घरबाटै ती युवतीको उद्दार गरिएको हो ।
Discussion about this post