बाँके चैत ६ गते ।
नेपालगन्ज र आसपासका क्षेत्रमा बर्डफ्लुको जोखिम देखिएके छ । भारतको उत्तरप्रदेशका केही ठाउँमा बर्डफ्लु देखिएपछि बाँकेमा पनि यसको जोखिम भएको हो ।
नेपालगन्जमा खपत हुने धेरै बोईलर भारतीय सिमानाकाबाटै आउने गरेका छन । भारतबाट भित्रिने अवैध कुखुरा र चल्लाका कारण बाँकेमा पनि बर्डफ्लु फैलिने सम्भावना अत्याधिक बढेका छ ।
भारतबाट लुकिछिपी हुँदै आएको पंक्षीजन्य पदार्थको अवैध आयातले गर्दा बाँकेमा जोखिम अत्याधिक बढेको जनाउँदै स्थानीय अगुवाहरुले जिल्लाको सम्पूर्ण नाकामा कडाइ गर्न माग गरेका छन् ।
मुख्य नाकामा कडाइ गरिएपनि ग्रामीण क्षेत्रका नाकाबाट कुखुरा तथा कुखुराजन्य वस्तु भित्रिरहेको छ । पछिल्लो समय कुखुराको तयारी मासु नै भारतबाट आइरहेको छ ।
नाकाहरुमा कडाइ गरिएन र जिल्लामा सचेतना अपनाइएन भने बर्डफ्लु भित्रिन बेर नलाग्ने नागरिक अगुवा बताउँछन । भारतका धेरै ठाउमा बर्डफ्लु देखिएको र नेपालकै केही जिल्लामा समेत बर्डफ्लु देखिएकोले बाँकेमा नपुग्ला भन्न नसकिने अबस्था छ । प्रहरी प्रशासनले भने नाकाहरुमा कडाई गरिएको बताएको छ ।
दिनरात खटिएर सुरक्षाकर्मीले कुखुरा लगायत सबै अवैध आयातलाई रोक्ने काम गरिरहेको दावी पुलिसले गरेको छ । मुख्य नाकामा रहेका सुरक्षाकर्मी र क्वारेन्टाइनलाई कुखुरा र गुणस्तरहीन माछाको आयात रोक्न कडा निर्देशन दिइएको बाँकेका प्रहरी प्रवक्ता मधुसुदन न्यौपानले बताउनुभयो । उहाँले ग्रामीण क्षेत्रका नाकाहरुमा कडाइ गर्न मातहतलाई निर्देशन दिएको बताउनुभयो ।
Discussion about this post