बाँके जेठ १७ गते ।
नेपालगन्जस्थित भेरी अस्पतालमा पहिलोपटक जोर्नी प्रत्यारोपण सेवा सुरु भएको छ । एकपछि अर्को विशिष्टकृत सेवा थप्दै गएको अस्पतालले जोर्नी प्रत्यारोपण सेवा पनि सुरु गरेको हो ।
बाँके खजुरा गाउँपालिकाका ४५ वर्षीय पुरुषको बायाँतिरको हिपको पूर्ण प्रत्यारोपण सफलतापूर्वक सम्पन्न गरेर जोर्नी प्रत्यारोपण सेवा सुरु गरिएको अस्पतालका अर्थोपेडिक सर्जन डा प्रकाश थापाले जानकारी दिनुभयो ।
मंगलवार विहान ८ बजेदेखि १० बजेसम्म करिव दुई घण्टा लगाएर शल्यक्रिया गरिएको थियो । अस्पतालमा यसखालको जटिल शल्यक्रिया पहिलोपटक गरिएको हो ।
अस्पतालको अर्थोपेडिक विभागका प्रमुख डा तिर्थेन्द्र खड्काको नेतृत्वमा डा ऋषि विष्ट, डा प्रकाश थापा, डा राहुल मिश्र, एनेस्थेसियोलोजिष्ट डा पारश पाण्डेलगायतको टीम शल्यक्रियामा संलग्न थियो । भेरी अस्पतालले विशिष्टकृत सेवा थप्दै गएको छ ।
जस्का कारण यसखालका जटिल समस्या भएका विरामीलाई काठमाडौं र भारतको लखनउ जानु पर्ने बाध्यता हट्दै गएको छ ।सस्तो र सुलभरुपमा गुणस्तरी सेवा दिएपछि यसक्षेत्रका विरामीहरुलाई ठूलो राहात मिलेको छ ।
Discussion about this post