बाँके असार १० गते ।
नेपालगन्जसहित धेरै ठाउँमा आज बिहानै देखि पानी परिरहेको छ । वर्षाका कारण बाढी पहिरोको जोखिम बढेको छ ।
आज दिनभरी पानी पर्न सक्ने मौसमविद्ले बताएका छन् । तर, प्रदेश–१ मा भने पानी रोकिने सम्भावना नरहेको मौसमविद् हिरा भट्टराईले जानकारी दिनुभयो । उहाँका अनुसार प्रदेश–१ मा आज दिनभरि नै झरी पर्ने अनुमान छ ।
आज वाग्मती र प्रदेश–१ सहित गण्डकी र लुम्बिनीका केही ठाउँमा पनि ठूलो पानी पर्ने अनुमान गरिएको मौसमविद् भट्टराईले जानकारी दिनुभयो ।
यी प्रदेशका पहाडी भू–भागमा भू–क्षय, पहिरो तथा गेग्रान बहावको जोखिमका साथै नदीनाला तथा खहरे खोलामा पानीको सतह बढ्न सक्ने भएकाले सावधानी अपनाउन मौसमविद्को आग्रह छ ।
आज सुदूरपश्चिम प्रदेशमा पनि वर्षाको सम्भावना छ ।सुदूरपश्चिम प्रदेशमा मनसुनी प्रणाली सक्रिय हुन लागेको छ । यसकै कारण त्यहाँ आजभन्दा भोलि अझ धेरै पानी पर्ने मौसमविद्को भनाइ छ ।
Discussion about this post