सरला सुवेदी
बाँके साउन २६ गते ।
पाँच छ वर्ष अघिसम्म तारा बहादुर रावतलाई आफ्नो खेतमा धान लगाउँदा वर्षभरि खानसमेत पुग्दैनथ्यो । तर, त्यही खेतमा मौसमअनुसारको हरियो तरकारी फलाउन थालेपछि उनको आम्दानी मात्रै बढेको छैन दैनिकी नै फेरिएको छ ।
श्रीमति दिलमाया रावतको सहयोगले कृषिमा रमेका तारा गाउँकै दाजुभाई १३–१४ जना दिदिबहिनीहरुलाई दैनिक रोजगर समेत दिदै आएका छन् ।
बाँके जिल्लाको बैजनाथ गापालिका वडा नम्बर दुई दक्षिण लदौरामा पाँच कठ्ठा जग्गामा पचास हजारको लगानीबाट तरकारी खेती लगाउन सुरु गरेका ताराले अहिले चालीस कठ्ठा जग्गामा मकै अनि मकै भित्र सिजण्टा क्म्पनिको वाइभी सेभेन नामको बोडि मात्र लगाएका छन् । आफुलाई युवा कृषक भन्न रुचाउने तारा आफू यहाँ सम्म आइपुग्नुमा श्रीमतिको ठूलो देन भएको बताउछन् ।
श्रीमतिको साथ अनि आफू सानै देखि रेडियो नेपालको कृषि कार्यक्रम अनि त्यस कार्यक्रममा बज्ने सफल कृषकको सफलताको कथा सुन्दा आफुलाई नि किसान बनौ बनौ लाग्ने गरेको र त्यही कथाको प्रेरणाले अहिले आफू एक सफल किसान बनेकोमा गर्व महशुस गर्छन् ।
उनी भन्छ्न केही गर्छु भन्ने हरुको लागि नेपालमै केही गर्न सकिन्छ म पनि पहिले यतिकै बरालिएर हिडेको थिए सुरु सुरुमा कृषि पेशा अपनाउन कहिले किराले खाने कहिले पानीले लगाएको खेती नष्ट गरिदिदा कस्तो बेला किन कृषि पेशामा लागेछु भनेर पछुतो समेत लाग्दथ्यो तर मैले सुरुका बर्षमा हिम्मत हारिन यसलाई निरन्तरता दिईरहे र आज आएर यो सफलता मिलेको छ। तारा भन्छ्न हिम्मत र आत्मबिश्वासका साथ काम गर्यो भने एक दिन सफलता मिल्नेछ।
केही गर्छु भन्ने कृषकको लागि स्थानिय तहबाट पनि केही सहयोग हुनुपर्छ र सहि कृषक पहिचान गरि कृषक लक्षित कार्यक्रमहरु गर्ने कागजी किसानलाई अनुदान दिने तर सत्यतथ्य नबुझी अनुदान दिदा असली किसान मर्कामा परेको गुनासो समेत उनले गरेका छन् । उनले आफुलाई भने स्थानीय तह बैजनाथ गाउँपालिकाबाट प्राविधिक सहयोग बारम्बार पाइरहेको बताएका छन् । आफुले गरेको खेती हेर्न गाउँपालिकाका हाकिम कर्मचारीहरु आउँदा आफुलाई खुसी र प्रेरणा मिल्ने गरेको उनी बताउछन् ।
बर्षको दुई सिजन हिउदे र बर्खे तरकारी लगाउदै आएका ताराले एक सिजनमा खर्च कटाएर ६ लाख बचत गर्ने गरेका छन् तरकारी खेती सुरु गरेपछी उनले ४ कठ्ठा नम्बरी र २कठ्ठा एलानी जग्गा समेत जोडेका छन् सिचाइको लागि दुई ठाउँमा समरसेल बोडिङ्ग समेत गाडेका छन् । कहिले काक्रा कहिले बोडि कहिले टमाटरले ताराको जग्गा भरिभराउ देखिन्छ र उनले लगाएको तरकारी टिप्नेको लर्को हेर्दा बिदेश तिरको जस्तो लाग्छ।
बारीसम्म बाटोको सुबिधा नहुदा तरकारी टिपेर सडक सम्म पुर्याउन निकै समस्या हुने गरेको बताए। उनले पहिलेपहिले तरकारी फलाएर बेच्न धौ धौ हुने गरेको र अहिले गाउँमै व्यापारीका गाडी तरकारी लिन आउने गर्दा बजारिकरणको लागि समस्या नभएको बताउछन् दैनिक छ सात कुण्टल बोडि उनले बिक्रि गर्ने गरेका छन् ।
तारा जस्तो युवाको कृषि मोह देखेर अन्य युवाहरुलाई नि कृषिमा उत्प्रेरित हुन प्रेरणा मिल्नेछ। ताराको कृषिमा मात्र होईन राजनीतिमा पनि उत्तिकै चासो राख्ने गर्छ्न गएको स्थानिय चुनावमा उनी नेकपा एमालेको तर्फबाट वडाका उम्मेद्वार समेत हुन् । आफु तरकारी पेशाबाट एकदमै सन्तुष्ट भएका तारा आफू जस्ता युवाहरुलाई आफ्नो श्रम पसिना बिदेशीभुमिमा खर्चिन भन्दा आफ्नै देशमा केही गरेर खर्चिन अनुरोध समेत गर्छन् ।
Discussion about this post