काठमाडौं असोज १४ गते ।
आज देशका केही ठाउँको मौसम बदली भएको छ । काठमाण्डौ उपत्यकाको पनि मौसम बदली भएको छ ।
वाग्मती र गण्डकी प्रदेशका पहाडी एकरदुई ठाउँमा हल्का वर्षा भइरहेको तथा कर्णाली प्रदेशका एकरदुई ठाउँमा हल्का हुनसक्ने जल तथा मौसम पूर्वानुमान महाशाखाले जनाएको छ ।
तर आज र भोलि ठूलो पानी पर्ने सम्भावना नदेखिएको महाशाखाका मौसमविद् सञ्जीव अधिकारीले बताउनुभयो। आज दिउँसो प्रदेश एक, वाग्मती र गण्डकी प्रदेशमा मौसम आंशिकदेखि सामान्य बदली रहने तथा बाँकी प्रदेशहरू मधेस प्रदेश, लुम्बिनी, कर्णाली र सुदूरपश्चिममा सामान्यतया सफा रहने अनुमान छ ।
दिउँसो प्रदेश एक, वाग्मती र गण्डकीका एकरदुई ठाउँमा मेघ गर्जनसहित हल्का पानी पर्न सक्ने सम्भावना छ । आज राति देशभरको मौसम आंशिक बदली हुने पूर्वानुमान छ ।
अहिले मनसुनी वायुको सामान्य प्रभाव रहेको छ । महाशाखामा मौसमविद् अधिकारीका अनुसार मनसुन सकिने अवधि अक्टोबर २ अर्थात् पर्सि आइतवार असोज १६ गते भए पनि यसवर्ष केही तलमाथि हुनसक्ने देखिएको छ ।
Discussion about this post