बाँके असोज १४ गते ।
चाडपर्वको समय छ । सबै चाडपर्वको उल्लासमा छन् ।
वडादशैं, दिपावली, मोहम्मद डे, छठ लगायतका यी पर्वहरुमा स्वभाविकरुपमा किनमेल बढी हुने गर्छ । यही फेस्टिवल मुडमा बरकतको भने तस्करी धन्दा मौलाउँदै गएको छ ।
उनको तस्करी धन्दामा सीमा नाकाकै सुरक्षाकर्मीले सुरक्षा दिने गरेको आरोप छ । बाँकेको विभिन्न नाकाहरु भएर नेपाल सुरक्षाकर्मीहरुको संरक्षणमा ठूलो परिमाणमा भारतिय मालसामानको निर्वाद रुपले तस्करी भईरहदाँ पनि रोक्न तर्फ सुरक्षाकर्मी प्रशासनको चासो त परैको कुरा सुरक्षाकर्मीकै संरक्षणमा बरकतको तस्करी धन्दा थप मौलाएको छ ।
तस्करका नाइके नेपालगन्ज जयसपुर निवासी बरकत र उनको ग्याङले करोडौको तस्करीको माल सामान नेपालगञ्ज बजार भित्रयाउने गरेको प्रत्यक्षदर्शी बताउँछन ।
नेपालगञ्ज नाका देखी पुर्व पट्टीको बाटोबाट हड्डी चोक सुईया चोर बाटो भएर तस्कर नाइके बरकतले माल सामान चोरी तस्करी गराउँदै आएको बताइन्छ ।
तस्कर नाइके बरकत र उनका ग्याङले तल देखी माथी सम्म प्रहरीका हाकिमहरुसंग सेटिङ्ग मिलाएको कारण उनिहरुको तस्करीको सामान पक्राउ गर्न असम्भव जस्तै रहेको तल्लो तहका सुरक्षाकर्मीले अन्लाईन खोजखवरलाई बताए ।
सामान पक्राउ परेपनि बरकतको भन्ना साथ छाड्ने गरिन्छ । भारतको सिमावर्ती शहरबाट साईकल ई–रिक्सा टेम्पो, मोटरसाइकल, म्याजिक, पिकअपमा कपडा, खाद्यान्न, भाडावर्तन, सुर्तीजन्य बस्तु, मोटरपार्ट हाडवेयरको सामानको तस्करी हुने गरेको छ ।
तस्करिको मालसामान विना रोकटोक नेपालगञ्जका विभिन्न गोदाममा पुगेपछि तस्करीका सम्पुर्ण सामानको जाली विलविचक तयार हुन्छ र, देशको विभिन्न स्थानमा पठाइन्छ ।
तस्कर नाइके बरकत सहितको अन्य तस्कर ग्याङले सुरक्षाकर्मीको संरक्षणमा ठूलो परिमाणले तस्करी गर्ने गरेको कारण नेपालगञ्ज भन्सार कार्यालयको राजश्व समेत प्रभाबित भएको भन्सारका एक अधिकृतले बताएका छन ।
भारतबाट तस्कर नाइके बरकतले जयसपुर, पिप्रहवा सुइया, बाबूगाउँमा भन्सार छलीको मालसामान भन्डारण गरेर एकमुष्ट नेपालगञ्ज बजार पठाउने गरेको तथ फेला परेको छ । तस्करहरुले भज्जुपुर्वा, सुब्बापुर्वा, गोसाईपुर्वा, उदयपुर, लालापुर्वा तेलियनपुर भएर तस्करीको सामान नेपालगञ्ज बजार पनि पुर्याउने गर्छन ।
तस्कर भारतबाट ठूलो मात्रामा अवैध सामाग्री भित्र्याएर नेपालगन्ज उपमहानगरपालिका अन्तर्गत पर्ने जयसपुर, पिप्रहवा र सुईयामा भण्डारण गर्ने र अन्य जिल्लामा निर्यात गर्ने सबैभन्दा ठूला तस्कर हुन् ।
यी सामाग्रीमा मोटो रकम बचत हुने भएकाले बरकतले सुरक्षाकर्मीलाई समेत लाइन दिने गरेका छन् । त्यसमा राजश्व अनुसन्धान भन्सार कर्मचारी सशस्त्र र नेपाल प्रहरीका प्रदेश घुमुवाको केहीलाई उनले आफ्नो सहयोगी बनाएका छन् ।
स्कुले बालबालिकाहरुलाई प्रलोभनमा पारेर उनले रुपैडियाबाट सामान सीमा पार गराउने गरेको पाइएको छ ।
भारतीय सीमा सुरक्षा बललाई समेत प्रलोभनमा पारेर तस्करी गर्दै आएका बरकतले नेपालबाट भारततर्फ जडिबुटी, केराउ, सुपारी लगायतका सामाग्री पनि तस्करी गराउँदै आएका छन् । 
सीमा नाका सुरक्षार्थ खटिएका सुरक्षाकर्मीले प्रभावकारी ढंगबाट काम नगर्दा भारतबाट भन्सार छलिको ठूलो सामान नेपाल भित्रिरहेको छ ।
जसका कारण राज्यलाई करौडौं राजश्व घाटा लाग्दै आएको छ । प्रहरीले लाइन लिएका कारण पनि तस्कर नियन्त्रण गर्न मुश्किल परेको बताइन्छ । भारतबाट एसएसबीले समेत खुलेआम तस्करी गराउदै छ ।
मुख्य नाकामा एसएसबीले कडाइ गरेर सर्वसाधारणलाई दुख दिने तर त्यही नाकाको दायाँबायाँबाट खुलेआम भने एसएसवी आफैले तस्करी गराएको पाइएको छ ।
प्रमुखसम्मलाई नजराना बुझाएर निर्वाध तस्करी धन्दा चलाइरहेको स्रोत बताउँछ । सानासाना झोला जाँच गर्ने सुरक्षाकर्मीले तस्करीका सामान आउँदा भने देखे पनि नदेखेझै गरेर आँखा चिम्लिदिँदा तस्करीका सामान निर्वाध भित्रिने गरेको हो ।
Discussion about this post