बाँके साउन ४ गते ।
पश्चिम नेपालको लामो दुरीको सुविधा सम्पन्न बसपार्क आउदो साउन ७ गतेदेखि सञ्चालनमा आउने भएको छ । कोहलपुर नगरपालिकासँग सम्झौता र कार्यविधि बनाउन केही ढिलाइ भएकाले ढिलो गरी सञ्चालन हुन थालेको हो ।
गत महिना लुम्बिनी प्रदेशका मुख्यमन्त्री डिल्लीबहादुर चोधरीले एक कार्यक्रमका बीच बसपार्कको उद्घाटन गरेका थिए । उद्घाटन भए यता पनि कोहलपुर नगरपालिकासँग बागेश्वरी यातायात प्रालिको सम्झौता गर्न बाँकी छ ।
कार्यविधि बनाउन र नरपालिकासँग सम्झौता नभएकाले केही दिन ढिला भएको बागेश्वरी यातायात व्यवसायी प्रालिका अध्यक्ष मनप्रसाद आचार्यले जानकारी गराउनु भएको छ। उहाँका अनुसार पहिला बसपार्कको सम्पूर्ण व्यवस्थापनका लागि सैद्धान्तिक सहमति भएको ’अब सम्झौतामार्फत औपचारिकतारूपमा दिन बाँकी छ, उहाँले भन्नुभयो । अब केही दिन व्यवसायीसँग सल्लाह गरेर कार्यविधि बनाई ७ गतेबाट बसपार्क सञ्चालनमा आउने भएको छ।
साढे ३० करोड ऋण नगर विकास कोषसँगको सम्झौतामा कोहलपुर नगर विकास समितिले बसपार्क निर्माण गरेको हो । नगर विकास कोषको ६० प्रतिशत र कोहलपुर नगर विकास समितिको ४० प्रतिशत लगानीमा बसपार्क निर्माण सम्पन्न भएको कोहलपुर नगरपालिकाले जनाएको छ । वार्षिक आठ प्रतिशत ब्याज रकम तिर्ने गरी २० वर्षका लागि नगर विकास कोषसँग सम्झौता भएको छ । नगर विकास कोषसँगको ऋण सम्झौतामा कोहलपुर नगर विकास समितिले बसपार्कको निर्माण हो ।
Discussion about this post