महोत्तरी भदौ २९ गते ।
स्रोत नखुलेको रकमसहित एकजनालाई प्रहरीले पक्राउ गरेको छ । प्रहरीले बिहीबार दिउँसो दसगजाबाट स्रोत नखुलेको रकमसहित मटिहानी नगरपालिका–८ बस्ने ४० वर्षीय नबिन साहलाई पक्राउ गरेको हो ।
महोत्तरी मटिहानी नगरपलिका–८ दसगजाबाट स्रोत नखुलेको १३ लाख ७० हजार रुपैयाँसहित साहलाई पक्राउ गरेको प्रहरीले जनाएको छ ।
जिल्ला प्रहरी कार्यालय महोत्तरी र प्रहरी चौकी मटिहानीबाट संयुक्त रुपमा खटिएको प्रहरी टोलीले भारतबाट नेपालतर्फ आउँदै गरेको ज.१० प ३५४१ नम्बरको मोटरसाइकल चेकजाँच गर्ने क्रममा उनलाई उक्त रकमसहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
ADVERTISEMENT
Discussion about this post