बाँके असोज १९ गते ।
नेपालगञ्जमा लगाइएको निषेधाज्ञाको उल्लंघन गर्ने चार जनालाई प्रहरीले नियन्त्रणमा लिएको छ । दिउँसोको समयमा निषेधाज्ञाको उलंघन गरि उछृंखल गतिविधि गरेको पाइएपछि चार जनालाई नियन्त्रणमा लिइएको बाँके प्रहरी प्रवक्ता डिएसपी नारायण डाँगीले जानकारी दिए ।
उनले शुक्रवार दिउँसो साढे २ बजे निषेधाज्ञाको उल्लंघन गरेको आरोपमा नेपालगञ्जको विपी चोकबाट ३४ वर्षीय रियाज खान र २८ वर्षीय सहबाजलाई नियन्त्रणमा लिएको बताए । त्यसैगरी, सामाजिक सद्भाव विगार्ने हेतुले टिकटकमार्फत गलत सन्देश प्रवाह गरेको आरोपमा २३ वर्षीया ललिता पोरवाल र २६ वर्षीया शिला पोरवाललाई प्रहरीले पक्राउ गरेको छ ।
स्थानीय प्रशासनले निषेधाज्ञाको उल्लंघन गरे कारबाही गर्ने सूचना जारी गरे पनि उनीहरुले निषेधाज्ञाको बेवास्ता गरि उछृंखल गतिविधि गरेको पाइएपछि उनीहरुलाई पक्राउ गरिएको डिएसपी डाँगीले जानकारी दिए । चारै जनालाई प्रचलित कानुन बमोजिम कारबाही हुने बाँके प्रहरीले जनाएको छ ।
Discussion about this post