बाँके असोज २६ गते ।
नेपालगञ्जको बिपीचोक स्थित फर्निचर पसलहरुमा लागेको आगलागिबाट एक करोड बढी क्षति भएको छ । आगलागिबाट ६ वटा फर्निचर पसल र एउटा किराना तथा नास्ता पसलमा आगलागि हुँदा एक करोड बढीको क्षति भएको हो ।
शुक्रबार विहान करिब साढे ४ बजे बिद्युत तार सर्ट भएर नेपालगञ्ज उपमहानगरपालिका ११ बिपी चोक नजिकै गुरुद्वारको अगाडी महबुद जसगढले सञ्चालन गरेको आलिया ट्रेर्डस (काठ फर्निचर) पसलमा बिद्युतको तार सर्ट हुनगई एक्कासी आगलागी हुँदा सोहि पसलको छेउमा रहेका अन्य ६ वटा पसल पनि जलेर नष्ट भएको बाँके प्रहरीले जनाएको छ ।
जिल्ला प्रहरी कार्यालय बाँकेले दिएको जानकारी अनुसार आगलागिबाट नेपालगञ्ज १२ कोरियनपुर बस्ने महाबुद जसगढले संचालन गरेको आलिया ट्रेर्डस, सोही ठाउँ बस्ने मिठ्ठु खान हुसेनले संचालन गरेको मिठ्ठु रिफ्रेसिङ मोटरसाईकल सेन्टर, नेपालगञ्ज १६ जयसपुर बस्ने बारुदिन जोलाहाले संचालन गरेको वारसी काठ फर्निचर, सोही ठाउँ बस्ने अलिहुसेन अन्सारीले संचालन गरेको सनिया स्टिल फर्निचर, नेपालगञ्ज ११ बस्ने सरिफ शेषले संचालन गरेको गिलमान फर्निचर र बर्दिया बढैयाताल गाउँपालिका ६ बस्ने शान्ति चन्दले संचालन गरेको चिन्टु किराना एण्ड नास्ता पसल पुर्ण रुपमा जलेर नष्ट भएको छ ।
यसैगरी नेपालगञ्ज .१२ बस्ने हरिराम काश्यपले संचालन गरेको श्री लक्ष्मी स्टिल फर्निचर आंशिक रुपमा क्षेती भएको प्रहरीले जनाएको छ । पसलधनीहरुबाट लिएको जानकारी अनुसार अनुसार अनुमानित करिब एक करोड ३ लाख बराबरको क्षति विवरण प्राप्त भएको घटना स्थलमा भेटिएका बाँकेका प्रहरी नायब निरिक्षक पुस्कर बिकले बताए ।
तर क्षतिको एकिन विवरण पसलधनीले निवेदनमा उल्लेख गरेर पेश गरे पछि मात्र थाहा हुने जिल्ला प्रहरी कार्यालय बाँकेका प्रवक्ता डिएसपी नारायण डागीले बताए । प्रहरीको वाटरक्यानल, स्थानीय र दमकलको सहयोगमा विहान ५ः५० बजेको समयमा आगो पुर्णरुपमा नियन्त्रणमा आएको थियो । आगलागि भएका सबै पसलहरु कच्ची देवाल र टिनको छानाबाट निर्माण भएका थिए ।
Discussion about this post