बाँके कात्तिक २४ गते ।
कात्तिक कृष्ण त्रयोदशीदेखि कात्तिक शुक्ल द्वितीयासम्म मनाइने दीपावलीको पहिलो दिन आज ‘धनतेरस’ । यस दिन नयाँ धातुका सामान किनेर पूजाआराधना गर्दै दीपावली पर्व प्रारम्भ गर्ने परम्परा छ । नेपालगन्जका मुख्या चोक तथा बजारमा आज भाडावर्तनको कारोवार हवात्तै बढेको छ ।
नेपालगन्जको पुष्पलाल चोक, धम्वोजी, त्रिभुवन चोक, त्रिवेणी मोड लगायतका स्थानमा टेन्ट थापेरनै व्यापार गरिएको छ । तामा, पितल, मेटलका भाडा वर्तन खरिद गर्नेको पसलमा भिड लागेको छ । त्रिभुवन चोकदेखि त्रिवेणी मोडसम्म सडक वीचमा पसल थापिएका छन् । रंग, मैनवत्ती, पाला, फलफूल, मिठाइ लगायतको पसल थापिएको छ ।
यो रुटमा चार पांग्रे र तीन पांग्रे सवारी साधन संचालनमा रोक लगाइएको छ । यहाँ तिहारको दिनसम्म बजार लाग्ने गर्छ । नगरका चोक तथा भित्रि सडकहरुमा मानिसहरुको किनमेल गर्ने भिडभाड देखिन्छ । तिहार हिन्दु धर्म मान्नेहरुको दोस्रो ठूलो पर्व हो ।
तिहारलाई उज्ज्यालो पर्वका रुपमा लिने गरिन्छ । त्यसैले पनि बजार झिलिमिलि पारिएको छ । तिहारको मौकामा कारोवार बढ्ने भएकाले व्यापारीहरुले पनि सामाग्रीहरु पर्याप्तमात्रामा पसलमा राखेको देखिन्छ । बागेशवरी मन्दिर आसपासमा भने फुलहरुले सजिएको छ ।
Discussion about this post