बाँके फागुन ११ गते ।
बाँके राष्ट्रिय निकुञ्जभित्र चोरी शिकारीमा प्रयोग भएको अबैध हतियार बरामद गरिएको छ । निकुञ्ज सुरक्षार्थ खटिएको नेपाली सेना र निकुन्ज कार्यालयका कर्मचारीको संयुक्त गस्ती टोलीले बाँकेको राप्ती सोनारी गाउँपालिका वडा नम्बर १ स्थित राजकोट इलाकाबाट बरामद गरेको हो ।
निकुञ्जभित्र प्रवेश गरी चोरी शिकारीमा संलग्न ब्यक्तिबाट प्रयोग भएको अवैध हतियार बरामद गरिएको हो । निकुञ्जमा लुकीछिपी दुई राउण्ड गोली फायर गरेपछि प्रतिकारमा गस्ती टोलीले ४ राउण्ड जवाफी फायर गरेको बताइएको छ ।
सो पश्चात खोजी गर्ने क्रममा १ थान बाह्रबोर, १ थान भरुवा बन्दुक र उक्त हतियारमा प्रयोग हुने गोली तथा बन्दोबस्तीका सामान बरामद गरिएको नेपाली सेनाले जनाएको छ । निकुञ्ज सुरक्षार्थ नेपाली सेनाका कर्णेल अशोक खड्काले पनि उक्त घटनाको पुष्टी गरेका छन् । ‘अहिले यो घटना अनुसन्धानकै क्रममा छ, विस्तृत जानकारी हामी पछि दिनेछौं,’ उनले भने ।
Discussion about this post