बाँके फागुन १९ गते ।
कोहलपुरमा शनिबारदेखी एन्फा कम्युनिटी कोचिङ कोर्ष सुरु भएको छ । कोहलपुर नगरपालिका र रेसिङ साहारा क्लबबीचको सहकार्य तथा एन्फाको सहयोगमा उक्त कोर्ष सञ्चालन गरिएको हो । कोहलपुर नगरपालिकाको सभा हलमा शनिबार औपचारिक कार्यक्रमका साथ कोचिङ कोर्ष उद्घाटन गरियो ।
उद्घाटन कार्यक्रममा कोहलपुर नगरपालिकाका मेयर पूर्णप्रसाद आचार्यले कोहलपुरमा एन्फाका पदाधिकारी प्रशिक्षण दिन आउनु गौरवको कुरा रहेको बताउनु भयो। यस्तै उपमेयर संगिता सुवेदीले हरेक क्षेत्रका खेलकुदका गतिविधिलाई कोहलपुर नगरपालिकाले प्राथमिकता दिइरहेको बताउनु भयो ।
एन्फा केन्द्रीय सदस्य एवम् बाँके जिल्ला फुटबल संघका अध्यक्ष भोजराज शाहीले पश्चिम क्षेत्रमा कोहलपुरले खेलकुद क्षेत्रलाई प्राथमिकता दिइरहेको बताउनु भयो । उक्त कोचिङ कोर्ष बाँकेमा २८ वर्षपछि सञ्चालन भएको आयोजकको दाबी छ । आगामी चार दिनसम्म कोहलपुरस्थित १३ बिघामा सञ्चालन हुने कोचिङ कोर्षमा एन्फाका कार्यबाहक प्राविधिक निर्देशक हरि खड्का र एन्फाका शिक्षा प्रमुख कोच सञ्जित सिंहले प्रशिक्षण दिने बताइएको छ ।
प्रशिक्षणमालुम्बिनी प्रदेशबाट ४० जना प्रशिक्षार्थीहरुको सहभागिता रहेको छ । प्रशिक्षण फागुन १९ देखि २२ गते सम्म जारी रहने आयोजकले जनाएको छ।
Discussion about this post