बाँके फागुन २० गते ।
कोहलपुर नगरपालिकाका नगर उपप्रमुख संगीता सुवेदीले सामाजिक कार्य गर्दै आफ्नो जन्मोत्सव मनाएकी छिन् । विगतका वर्षहरुमा जस्तै यो वर्ष पनि आफ्नो जन्मोत्सवमा उपप्रमुख सुवेदीले कोहलपुर नगरपालिका वडा नं।५ मा रहेको नीलसागर बृद्धाआश्रममा वाटर डिस्पेन्सर मेसिन सहयोग गरिन् ।
‘आश्रममा रहेका वृद्धबृद्धाहरुलाई शुद्ध पिउने पानीको सहजता होस् भन्नका लागि वाटर डिस्पेन्सर मेसिन सहयोग गरेकी हुँ उनले भनिन्–‘आश्रममा आश्रितहरुले आवश्यकता अनुसार तातो र चिसो पानी पिउन सक्छन् ।’ नीलसागर बृद्धाआश्रममा ४० जना आश्रित रहेका छन् ।
यसैगरी उनले आइतवारनै कोहलपुर नगरपालिका वडा नं।१२ चपरगौडीमा रहेको राम जानकी आश्रम रहेका बटुकहरुलाई साझको खाना समेत उनले खुवाइन् । करिव ५० जनालाई उनले साझको खाना खुवाएकी हुन् । उनले भनिन–‘मैले विगत ८÷९ वर्षदेखि आफ्नो जन्मोत्सवलाई सामाजिक तथा मानवीय सहयोगमा समाहित गर्दै आएकी छु । यो पटक पनि आश्रममा केही सामाजिक तथा मानवीय सहयोग गरेकी छु ।’
आफ्नो जन्मोत्सवमा यसरी दिनदुखीहरुसँगै बसेर सुख दुःख बाड्दा र सहयोग गर्दा आनन्द महसुस हुने उनको भनाइ छ । आफ्नो जन्मोत्सवलाई रामरमाइलो गरी होटल तथा रेष्टुराहरुमा फजुल खर्च गरेर मनाउने परिपाटी चलिरहेका बेला काँग्रेसकी युवा नेतृ समेत रहेकी उपप्रमुख सुवेदीले भने सामाजिक र मानवीय सहयोग गर्दै मनाउने गरेकी छिन् ।
Discussion about this post