बाँके चैत २१ गते ।
जनता समाजवादी पार्टी नेपाल लुम्बिनी प्रदेशको आयोजनामा प्रदेश राजधानी देउखुरीमा अगुवा किसान भेला सम्पन्न भएको छ । प्रदेश अध्यक्ष अशोक कुमार यादवको अध्यक्षतामा भेला भएको हो ।
भेलाले सन्तोष पाण्डेको अध्यक्षतामा समाजवादी किसान महासंघ लुम्बिनी प्रदेश समिति गठन गरेको छ । जसको उपाध्यक्षमा माधव बर्मा, निरान्कार यादव र पुनिसरा मगर चयन भएका छन् । मुख्य सचीवमा जाबेद आलम, सचिवहरु टेकराज केसी र कन्हैया राजभर चयन भएका छन् ।
यस्तै कोषाध्यक्ष निरा चौधरी चयन भएका छन् । २९ सदस्यीय कार्यसमिति सदस्यहरुमा मन्जु चौधरी, रामलखन यादव लगायत छन् ।
समाजवादी किसान महासंंघका केन्द्रिय अध्यक्ष संजय सिंहले किसान समृद नभए देश समृद नहुने कुरा बताए । मुलुकको व्यवस्था फेरिएपनि किसानहरुको अवस्था भने नफेरिएको उनले बताए ।
कार्यक्रममा बोल्दै जनता समाजवादी पार्टी नेपालका राजनैतिक समिति सदस्य एवम् लुम्बिनी प्रदेश सह इन्चार्ज नवीन सुनुवारले अबको आन्दोलन किसानहरुको समस्याहरुलाई लिएर नै आन्दोलन गर्नुपर्ने बताए ।
कार्यक्रममा लुम्बिनी प्रदेशका कृषि तथा भुमी ब्यवस्था मन्त्री भण्डारीलाल अहिरले केन्द्रिय कृषि नितिको कमि कमजोरीले पनि कृषिमा किसानहरुको आवश्यकता पूरा गर्ननसकेको कुरा बताए । उनले तैपनि अरु प्रदेश भन्दा लुम्बिनी प्रदेशको किसानहरुको खाद्य लगायत अन्य समस्याहरुको सम्बोधनमा अगाडि रहेको उनको भनाइ छ ।
कार्यक्रममा नव गठित समितिलाई अतिथिहरु लुम्बिनी प्रदेश उपाअध्यक्ष माधवराम बर्मा, प्रदेश सभा सदस्यीय अम्बिका काफ्ले, समाजबादी किसान महासंघ नेपालका केन्द्रिय महासचिव ओम श्रेष्ठ, उपमहासचिव तबरेज अहमद, केन्द्रिय सदस्य हरिकला चैलागाइ, तराई थरुहट अवध प्रदेश अध्यक्ष सुमित्रा चौधरी लगायतले शुभकामना दिए ।
कार्यक्रममा समाजवादी किसान महासंघका कार्यसम्पादन समिति सदस्य श्रावण कुमार यादवले कार्यक्रमको उदेश्य र स्वागत मन्त्ब्य व्यक्त गरेका थिए ।
नवगठित पदाधिकारी एवम् सदस्यहरुलाई पद तथा गोपिनियताको सपथ ग्रहण उपमहासचिव तबरेज अहमदले गराएका थिए । कार्यक्रममा लुम्बिनी प्रदेशका १२ वटै जिल्लाका अगुवाकिसानहरुको उपस्थिति रहेको महासचीव ओम श्रेष्ठले जानकारी दिए ।
कार्यक्रमको संचालन जनता समाजवादी पार्टी लुम्बिनी प्रदेशका मुख्यसचिव राजन राना मगरले गरेका थिए ।
Discussion about this post