बाँके कात्तिक ४ गते ।
बाँकेको डुडुवा गाउँपालिकामा रहेको अल्पसंख्यक महाउत समुदायलाई लोपोन्मुख अल्पसंख्यक जातीको सूचीमा राख्नुपर्ने माग त्यो समुदायका अगुवाले गरेका छन् । महाउत समुदायलाई लोपोन्मुख अल्पसंख्यक जातीमा सूचीकृत गरेर राज्यले दिनुपर्ने सेवा सुविधा दिएर सो समुदायको उत्थान गर्नुपर्ने समुदायका अगुवाको माग छ ।
स्थानीय तह निर्वाचन २०७९ मा बाँकेको डुडुवा गाउँपालिका–६ बाट महिला सदस्यमा निर्वाचित महाउत समुदायकी एक मात्र जनप्रतिनिधि जवन्ती महाउतले आफ्नो समुदायका लागि सरकारले केही पनि नगरेको गुनासो गरिन् । समुदायलाई लोपोन्मुख जातीमा सूचीकृत गराएर राज्यबाट सेवा सुविधा दिलाउनु जवन्तीको पहिलो प्राथमिकतामा परेको छ ।
उनले समुदायको बस्तीमा जनता आवास कार्यक्रम पारेर फुसका घरलाई विस्थापित गर्ने काम सुरु गरिएको जनाउँदै बाटोघाटो बनाउने, मागेर गुजारा चलाउनेलाई आयआर्जनमा लगाउने, शिक्षा र स्वास्थ्यमा पहुँच पु¥याउने प्रमुख आवश्यकता भएको बताइन् ।
गाउँपालिकाले वडा र महाउत बस्तीका लागि बजेट तथा कार्यक्रम विनियोजन नगर्दा सोचेजस्तो काम हुन नसकेको महिला सदस्य महाउतको गुनासो छ । नेपाल कम्युनिस्ट पार्टी ९एमाले० बाट वडा सदस्य जितेकी जवन्तीलाई उक्त पार्टीले कार्यपालिका सदस्य बनाएको थियो । कार्यपालिका सदस्य बनेपछि थुप्रै चुनौतीकाबिच जवन्तीले समुदायका लागि काम गर्दै आएकी छन् ।
Discussion about this post