बाँके पुस १६ गते ।
बाँके प्रहरीले वाटर क्यानन् अर्थात पानीको फोहरा फाल्ने गाडी पाएको छ । लुम्बिनी प्रदेश सरकारले एउटा वाटर क्यानन् उपलब्ध गराएको हो । भिडभाड नियन्त्रणका लागि वाटर क्यानन्को प्रयोग गर्ने गरिन्छ ।
बाँकेका एसवी ओमबहादुर रानाका अनुसार, सीसीक्यामेरा जडित अत्याधुनिक वाटर क्यानन्ले प्रदर्शनका बेला निषेधित क्षेत्र तोड्नेहरुलाई रोक्न सहज हुने छ । निषेधित क्षेत्र तोड्न लाग्दा त्यो भिडलाई तीतीरबितिर पार्न वाटर क्यानन्ले सहयोग गर्छ । बाँके प्रहरीसँग अहिलेसम्म वाटर क्यानन् थिएन् ।
पछिल्लो राजनीतिक घटनाक्रमसँगै सडकमा प्रदर्शन हुन थालेपछि गृहमन्त्रालय हाइअर्लटमा छ । ठाउँठाउँमा प्रदर्शन हुन थालेपछि स्थितिलाई नियन्त्रणमा लिन वाटर क्यानन्को प्रयोग गर्न सकिने प्रहरीको भनाइ छ । प्रदर्शनकारीहरुले निषेधित क्षेत्र तोड्न लाग्दा वाटर क्यानन्बाट पानीको फोहराले प्रदर्शनकारीमाथि प्रहार गरिन्छ ।
मिडियम र हाइलेभलबाट पानीको फोहरा फाल्न सकिने यो वाटर क्यानन्ले २५ देखि ३० को रेञ्जमा फोहरा प्रहार गर्छ । जस्का कारण भीड अघि बढ्न सक्दैन् र नियन्त्रणमा सहज हुन्छ । तस्वीर: वसिम अन्सारी
Discussion about this post