मानवअधिकार शिक्षामा जोड

बाँके चैत्र ३ गते ।
मानवअधिकार शिक्षा सबैका लागि अनीवार्यसँगै अवलम्वन हुनु पर्नेमा जोड दिइएको छ । नेपाल मानवअधिकार संगठन केन्द्रीय कार्यसमितिको सहयोगमा नेपाल मानवअधिकार संगठन बाँके शाखाद्धारा सोमबार नेपालगञ्जमा आयोजित कार्यक्रममा सो कुरामा जोड दिइएको हो । सुरक्षाकर्मीसहित सय जनालाई सहजीकरण गरिएको कार्यक्रममा अधिकार विज्ञहरुले मानवअधिकारको प्रत्याभुत गर्ने बातावरण सिर्जनामा जोड दिएका हुन् ।

उच्च अदालत तुल्सीपुर नेपालगञ्ज इजलाशका वरिष्ठतम न्यायधिश रत्न बहादुर बागचन्दले मानवअधिकार मर्यादीत जीवन निर्वाह गर्ने खुडकीलो भएकाले सबैका लागि उत्तकै महत्वपूर्ण हुने भएकाले यसको पालनामा पनि हातेमालोको खाँचो रहेको औल्याउनु भयो । मानवअधिकार माग्नु पर्ने अवस्थाको हाम्रो समाजमा मानवअधिकारको प्रत्याभुत गराइदिने दायित्व पनि राज्यको भएको उहाँले बताउनु भयो । नेपाल मानवअधिकार संगठनका सभापति महामुनेश्वर आचार्यले मानवअधिकारको रक्षासँगै यसको प्रयोगमा सबै पक्षले दायित्ववोध गर्नु पर्ने आवश्यक्ता औल्याउनु भयो ।

वरिष्ठ अधिवक्ता डा दिनेश त्रिपाठीले मानवका मौलिक अधिकार लगायतका पाटोमा प्रकाश पार्दै सहभागीको जिज्ञाशा समेत मेटनु भयो ।
कार्यक्रममा संगठनका महासचिव विजुल विश्वकर्मा, नेपाल वार एशोसीयशनका केन्द्रीय उपाध्यक्ष सुनिल श्रेष्ठ, राष्टिय मानवअधिकार आयोग अधिकृत द्धारिका अधिकारीले मानवअधिकार विवीध पक्षमा बोल्नु भएको थियो ।

नेपाल मानवअािर संगठन बाँके सभापति प्रलाद बहादुर कार्कीको सभापतित्वमा भएको कार्यक्रममा धन्यवाद ज्ञापन निवर्तमान अध्यक्ष गणेश कमार रेग्मीले गर्नु भएको थियो ।
संगठन बाँके शाखाका सदस्य शुक्रऋषि चौलगाईद्धारा सञ्चालन गरिएको कार्यक्रमको स्वागत मन्तव्य सचिव लोक बहादर शाहले गर्नु भएको थियो ।