बाँके असोज २५ गते ।
इमाम खानको अध्यक्षतामा वाईसिएल नेपालगन्जको नगरस्तरीय कमिटी चयन भएको छ । समितिको उपाध्यक्षमा बिकाश भुजेल, रोशन थापा, महबुब अली शेष, सचिबमा बिबेक राना, सह सचिवमा ताहिर शेष राई, सोममाया घलान, विबेक वली, सपना वारी, कोषाध्यक्षमा अमर बंशकार लगायत ४५ सदस्य चयन हुनु भएको छ ।
‘सुदृढ संगठन र परिवर्तनलाई संस्थागत गर्ने वाईसीएल नेपालको प्रथम नगर सम्मेलन सफल पारौं’ भन्ने मुल नाराका साथ वाईसिएल नेपालगन्जको नगरस्तरीय सम्मेलनले इमाम खानको अध्यक्षतामा नयाँ कार्यसमिती चयन गरेको हो ।
सम्मेलनलाई वाईसिएलका केन्द्रिय सम्मेलन आयोजक समिती सदस्य एवं लुम्बिनी प्रदेश इन्चार्ज गणेश शाही, माओवादी केन्द्रका बाँके अध्यक्ष आइपी खरेल, लुम्बिनी प्रदेश सचिवालय सदस्य अत्तहर हुसैन फारूकी, प्रदेश सदस्य अकल बहादुर वम, नवीन शर्मा, नेपालगन्ज उपमहानगरपालिका समिती अध्यक्ष डिल्ली वराल, मुस्लिम महिला संघका केन्द्रीय सदस्य कश्मिरा खातुन, अखिल नेपाल महिला संघ क्रान्तिकारी नेपालगन्ज नगर अध्यक्ष मन्दिरा पाण्डे, वाइसिएलका लुम्बिनी प्रदेश संयोजक जितेन्द्र पुन, युवा नेता रतन शाही लगायतले सम्वोधन गर्नुभएको थियो ।
त्यसक्रममा सब्बिर अन्सारीको नेतृत्वतमा ५७ सहित १६० जनाले अन्य पार्टी परित्याग गरेर माओवादीमा प्रवेश गरेका थिए ।
उक्त सम्मेलन वाईसीएल नेपालका नेपालगन्ज उपमहानगरपालिका अध्यक्ष इमाम खानको अध्यक्षता भएको थियो ।
विवेक रानाभाटले संचालनले गरेको सम्मेलनमा उप महानगरभित्रका २३ वटै वडाबाट प्रतिनिधि र पर्यवेक्षकहरूको उपस्थिति रहेको सब्बिर अन्सारीले जानकारी दिनुभयो ।
Discussion about this post