बाँके असोज २५ गते ।
पश्चिम नेपालको प्रशिद्ध शक्तीपीठ बागेश्वरी मन्दिरका विषयमा समाचार संकलन गर्न गएका पत्रकारमाथि मन्दिरका मुल महन्त चन्द्रनाथ योगीले रोक लगाएका पाइएको छ । समाचार संकलन गर्न मन्दिर पुगेका कान्तिपुर टेलिभिजनका ब्यूरो प्रमुख जे, पाण्डे र संवाददाता सविता जिसीमाथी महन्त योगीले रोक लगाउनुभएको हो ।
पत्रकार पाण्डे र जिसी आज बिहान ७ बजेको कान्तिपुर समाचारका लागि मन्दिर परिसरबाट प्रत्यक्ष प्रशारण गर्न भनि त्यहाँ पुग्नुभएको थियो । प्रत्यक्ष प्रशारण गर्ने तयारीका लागि क्यामेरा खोल्दै गर्दा महन्तले पत्रकाारिता पेशालाई तथानाम गाली गर्दै मन्दिर परिसरमा फोटो र भिडियो खिच्न रोक लगाउनुका साथै दुव्र्यवहार पनि गरेको पत्रकार पाण्डेले बताउनुभयो ।
यसैबीच नेपाल पत्रकार महासंघ बाँकेले समाचार संकलनमा रोक लगाउँदै पत्रकारलाई दुव्र्यवहार गरिएको घटनाप्रति गम्भीर ध्यानाकर्षण भएको जनाएको छ । महासंघले आज विज्ञप्ती निकाल्दै महन्तको कदमको भत्र्सना गर्दै नागरिकको सुसूचित हुन पाउने संबैधानिक अधिकारमाथिको हनन् भएको उल्लेख गरिएको छ ।
पछिल्लो समय बाँकेमा मन्दिरका महन्तदेखि जनप्रतिनिधिसम्मले पत्रकारमाथि दुव्र्यवहार र आक्रमण गर्न थालेका छन् । यसअघि जानकी गाउँपालिका २ का वडाअध्यक्ष चन्द्रीकाप्रसाद गुप्ताले पत्रकार जावेद अन्सारी र रविन्द्र घिमिरेमाथि आफ्ना आसेपासेलाई लगाएर आक्रमण गर्न पठाएका थिए ।
त्यसबेला पनि महासंघले विज्ञप्ती निकालेर घटनाको निन्दा गर्दै दोषीलाई कारवाही गर्न माग गरेको थियो । पत्रकार अन्सारी र घिमिरेलाई आक्रमण गर्न उकास्ने वडाअध्यक्ष गुप्ता र घटनामा प्रत्यक्ष संलग्न उनका भाइ अहिलेपनि खुलियाम घुमफिर गरिरहेका छन् । दोषीलाई प्रहरीले कारवाही गर्न नसक्दा पत्रकारमाथि आक्रमणका घटनाहरु बढ्दै गएको बताइएको छ ।
Discussion about this post