बाँके माघ ९ गते ।
नेपालगन्जको जमुनाह नाकामा मास्क वितरण गरिएको छ । कोरोना भाइरस महामारी तीब्र गतिमा फैलिँदै गएपछि स्वास्थ्य मापदण्डलाई पूर्णरुपमा पालना गर्न गराउन प्रहरीले सक्रियता देखाएको हो ।
यसैक्रममा नाकामा ३ हजार पीस मास्क वितरण गरिएको हो ।
बागेश्वरी पोष्टको आग्रहमा देउती सर्जिकल हाउस वसपार्क नेपालगन्जको सहयोगमा मास्क वितरण गरिएको नेपालगन्ज उपमहानगरपालिकाका जनस्वास्थ्य निरीक्षक जागेश्वर बस्नेतले जानकारी दिनुभयो ।
उहाँका अनुसार नाकामा आउजाउ गर्ने नागरिकलाई मास्क वितरण गरिएको हो । खासगरी नाकामा परीक्षणको दायरा बढाउने गरी तयारी गरिएको बस्नेतको भनाइ छ ।
यस्तै मास्क वितरण कार्यक्रममा सहभागी बाँकेका एसपी श्याम अधिकारीले भारतबाट भित्रिने सबै नागरिकहरुलाई परीक्षण गर्ने गरिएको बताउनुभयो ।
उहाँले भारतबाट भित्रिने मालबाहक सवारी साधानलाई समेत निगरानी बढाइएको बताउनुभयो । खुला सीमानाका कारण मानिसहरुको आउजाउ धेरै भएकाले संक्रमणको जोखिम बढेको उहाँको भनाइ छ।
यस्तै जिल्ला कोभिड-१९ व्यवस्थापन केन्द्रका फोकलपर्सन तेज वलीले भाइरस नियन्त्रणका लागि मास्कको प्रयोग अनिवार्यरुपमा गर्न सबैलाई आग्रह गर्नुभयो । तेस्रो लहरको सुरुमै बाँके कोरोनाको हटस्पट बन्दै गएको छ ।
Discussion about this post