बाँके साउन ४ गते ।
बाँकेको कोहलपुर नगरपालिका वडा नं. १ ले लाली गुराँस पञ्जेबाजा संरक्षण समितिलाई पञ्चेबाजा हस्तान्तरण गरेको छ । वडामा एक औपचारीक कार्यक्रम गरी वडा नं. १ का वडा अध्यक्ष बद्रि प्रसाद जैसीले संरक्षण समितिका अध्यक्ष गगने दमाईलाई पञ्चेबाजा हस्तान्तरण गर्नु भएको हो ।
पञ्चेबाजा नेवर, टेम्की, छिल्लर, ढोलक, नरसिंहा, दाईने दमाह, लगायतका पञ्चेबाजाहरु वडा कार्यालयले संरक्षण समितिलाई हस्तान्तरण गरेको हो ।
हस्तान्तरण कार्यक्रममा बोल्दै वडा अध्यक्ष जैसीले आर्यआर्जन र जिविकोर्पाजन गर्न सहज हुने उद्देश्यले पञ्चेबाजा हस्तान्तरण गरिएको बताउनु भयो । कोहलपुर नगरपालिका अन्य वडामा पञ्चेबाजा उपलब्ध गराएका छैनन तर यस वडामा भने साँस्कृति र रितिरिवाजलाई संरक्षण गर्नूपर्छ भन्ने धेयका साथ पञ्चेबाजा हस्तान्तरण गरेको वडा अध्यक्ष जैसीले बताउनु भएको हो।
यस्तै लाली गुराँस पञ्चेबाजा संरक्षण समितिका अध्यक्ष गगने दमाईले वडाले उपलब्ध गराएको पञ्चेबाजालाई आर्यआर्जनका लागि प्रयोगमा ल्याउने बताउनु भयो । विवाह, पुजापाठ तथा मुत्युवरण हुँदा पञ्चेबाजाहरुको प्रयोग गर्दा लाग्ने रकम वडाको समिति निर्माण गरी तोकिदिएपछि सहज हुने समितिका अध्यक्ष गगने दमाईले अनुरोध गर्नु भयो।
हस्तान्तरण कार्यक्रममा पूर्व वडा अध्यक्ष गोपी खनाल, राजनितिक दलका वडाका अध्यक्ष तथा प्रतिनिधि, संरक्षण समितिका पदाअधिकारी तथा स्थानियहरुको समेत उपस्थिति रहेको थियो।
Discussion about this post