बाँके असोज ३ गते ।
बाँके प्रहरीले छुट्टाछुट्टै स्थानबाट लागू औषध ब्राउन सुगरसहित २ जनालाई पक्राउ गरेको छ ।
प्रहरीले नेपालगञ्ज उपमहानगरपालिका–१४ स्थित भित्री सडकखण्डबाट डुडुवा गाउँपालिका–६ बस्ने २८ वर्षीय उदय राज मौर्या र कोहलपुर नगरपालिका कौशिलानगर–१ बस्ने २३ वर्षीय प्रकाश विकलाई पक्राउ गरेको हो ।
मंगलबार साँझ ६:३० बजेको समयमा बिषेश सुचनाको आधारमा वडा प्रहरी कार्यालय, प्रदेश ब्युरो र लागू औषध नियन्त्रण ब्युरोबाट खटिएको संयुक्त प्रहरी टोलिले बालेगाउँबाट बाबुगाउँतर्फ आउदै गरेको शंका लागि चेकजाँच गर्दा मौर्याले लगाएको पाईन्टको खल्तिबाट ५० ग्राम लागू औषध ब्राउन सुगर जस्तो देखिने खैरो धुलो पदार्थ फेला पारेको प्रहरीले जनाएको छ ।
लागू औषध ब्राउन सुगरसहित कोहलपुरबाट १ जना पक्राउ
कोहलपुर नगरपालिका कौशिलानगर–१ बस्ने २३ वर्षीय प्रकाश विकले लागू औषध ब्राउनसुगरको कारोबार गरी रहेको छ, भन्ने गोप्य सूचनाको आधारमा इलाका प्रहरी कार्यालय कोहलपुरबाट खटिएको प्रहरी टोलीले शंकास्पद अवस्थामा फेला पारी चेकजाँच गर्दा विकले प्रयोग गर्ने कोठाबाट १५ ग्राम १६ मिलिग्राम लागू औषध ब्राउन सुगरसहित प्रहरीले पक्राउ गरेको थियो । पक्राउ परेका दुबै जनालाई हिरासतमा राखेर थप अनुसन्धान सुरु गरेको जिल्ला प्रहरी कार्यालय बाँकेका प्रहरी प्रवक्ता (डिएसपी) नारायण डाँगीले जानकारी दिए ।
Discussion about this post