बुटवल असोज ३ गते ।
प्रदेश ब्युरो प्रहरीले लागू औषध अफिमसहित ५ जनालाई पक्राउ गरेको छ । ब्युरो प्रहरीले बुटवल उपमहानगरपालिका–१३ बेलवास चोक स्थितबाट लागू औषध अफिमसहित ५ जनालाई पक्राउ गरेको हो ।
लागू औषध अफिमको कारोबार भइरहेको गोप्य सूचनाको आधारमा प्रदेश ब्युरो प्रहरी टोलिले ५ पोका सेतो प्लास्टिकमा बेरेको अवस्थमा अफिमसहित ५ जनालाई पक्राउ गरेको थियो ।
लागू औषध अफिमसहित पक्राउ परेका जिल्ला रोल्पा सेरम वडा नम्बर १० हाल सिवराज २ कपिलवस्तु बस्ने ४८ वर्षीय जसमान घर्ती, जिल्ला बाग्लुङ वडा नम्बर ६ बस्ने ३७ वर्षीय पुर्ण घर्ती मगर, पुर्बी रुकुम बस्ने २९ वर्षीय विकास रोका, ४० वर्षीय लालबहादुर श्रेष्ठ र २५ वर्षीय अमर पुन रहेको प्रहरीले जनाएको छ ।
पक्राउ परेका पाँचै जना लाई आवश्यक अनुसन्धानका लागि इलाका प्रहरी कार्यालय बुटवलको हिरासतमा राखिएको पनि प्रहरीले जानकारी दिएको छ ।
Discussion about this post