बाँके कात्तिक १६ गते ।
सर्वोच्च अदालतले नेपालगन्जका योगराज ढकाल (रिगल) लाई दिएको कैद मिनाहा बदर गर्दै तत्काल पक्राउ गर्न परमादेश जारी गरेको छ ।
कायममुकायम प्रधानन्यायाधीश ईश्वरप्रसाद खतिवडा, सपना प्रधान मल्ल र कुमार चुँडालको पूर्णइजलासले रिगलको कैद मिनाहा गर्ने निर्णय बदर गर्ने परमादेश दिएको हो ।
नेपालगन्जका चेतन मानन्धरको हत्या अभियोगमा जेल सजाय काटिरहेका रिगलले संविधान दिवसको दिन सरकारबाट बाँकी कैद माफीमिनाहा पाएका थिए । व्यक्ति हत्यामा जन्मकैद सजाय पाएका रिगललाई कैद कट्टा गरी जेलमुक्त गर्ने राष्ट्रपतिको निर्णयविरुद्ध सर्वोच्चमा रिट परेको थियो ।
रिगललाई कैदमिनाहा गरेलगत्तै चेतनकी पूर्वपत्नी भारती मानन्धर सरकारको निर्णयविरुद्ध माइतीघर मण्डलामा अनशनमा बस्दै आएकी थिइन् ।
यसैवीच, सर्वोच्च अदालतले पक्राउ गर्ने निर्देशन दिएसँगै प्रहरी परिचालन गरिएको नेपाल प्रहरीका प्रवक्ता डिआइजी कुवेर कठायतले जानकारी दिए ।
उनले अदालतको आदेशका पालना गर्न रिगललाई तत्काल पक्राउ गरिने बताए । ‘रिगललाई पक्राउ गर्न प्रहरी परिचालन भइसकेको छ । तत्काल पक्राउ गरि अदालतमा बुझाउँछौँ,’ उनले भने ।
Discussion about this post