जाजरकोट भूकम्प: भेरीमा २७ जनाको उपचार चल्दै, एकको मृत्यु

बाँके कात्तिक १८ गते ।
जाजरकोट नलगाड नगरपालिकाका ३३ वर्षीय टेकबहादुर पुनको मृत्यु भएको छ ।

भूकम्प परि घाइते भएका उनको भेरी अस्पताल ल्याउनेक्रममा बाटोमा मृत्यु भएको प्रहरीले जनाएको छ ।
गएराती गएको भूकम्पमा परी घाइते भएका २७ जनालाई भेरी अस्पतालमा ल्याइएको छ ।

उनीहरुलाई हवाइ र सडक मार्गबाट आज भेरी अस्पतालमा ल्याइएको उपचार व्यवस्थापनका फोकल पर्सन नरेश श्रेष्ठले जानकारी दिनुभयो । २७ जनाको उपचार भइरहेको श्रेष्ठले बताउनुभयो ।

भूकम्पबाट घाईते भएकाहरुको उपचारका लागि भेरी अस्पताललाई डेडिकेटेड अस्पताल बनाइएको छ । त्यसका लागि ८० वटा वेड छुट्याइएको छ ।

घाइतेको अवस्था हेरर रेड जोन र एल्लो जोनमा राखेर उपचार भईरहेको छ l एमाले निकट अनेरास्वाबियुले रक्तदानको आयोजना गरेको छ भने नेपाल प्रहरी, सशस्त्र प्रहरी र नेपाली सेनाको प्राबिधिक टोली अस्पतालमा खटिएका छन् l

ADVERTISEMENT