फाइल फोटो
काठमाडौ जेठ ४ गते ।
प्रमुख प्रतिपक्षी नेपाली काङ्ग्रेसका सभापति तथा पूर्व प्रधानमन्त्री शेरबहादुर देउवाले जनताले सरकार भएको अनुभूतिगर्न नसकेको बताएका छन् । आइतबार प्रतिनिधिसभाको नीति तथा कार्यक्रममाथि छलफल बैठकमा बोल्दै नेता देउवाले त्यसो बताएका हुन् ।
सरकारले ल्याएको नीति तथा कार्यक्रममा थुप्रै त्रुटि भएको भन्दै देउवाले नीति तथा कार्यक्रमलाई कोरा कल्पनाको संज्ञा पनि दिएका छन् । सरकारले ल्याएको नीति तथा कार्यक्रमले जनता र राष्ट्रका समस्यालाई सम्बोधन गर्न नसकेको बताउँदै देउवाले नीति तथा कार्यक्रममाथि टिप्पणी गर्दै भने, ‘‘ पहिलो सन्देश यो सरकारलाई कोभिड १९ ले गरेको र गर्न सक्ने क्षति बारे ज्ञान नै छैन ।
दोस्रो, सरकारलाई जनताको दुखः प्रति कुनै वेदना छैन र जनताको पीडा बुझ्न सक्ने हृदय छैन । तेश्रो, सरकारसँग यो अप्ठेरो बेला भविष्यका लागि जनता आश्वस्त हुने कुनै योजना छैन । एक वर्षे नीति तथा कार्यक्रम उद्देश्यवाट बरालिएर बहुवर्षिय योजनाको कोरा कल्पना जस्तो देखिन्छ ।
यो नीति तथा कार्यक्रम जनतामा आशा र विश्वास जगाउन पूर्णतः असफल भएको छ । यो सरकार महामारी नियन्त्रण गर्ने व्यापक तयारी गर्न पूर्णरुपले चुकेको छ ।’’त्यसैले अहिले को यो संकटको अवस्थामा जनताले सरकार भएको अनुभुती गर्न नपाएको बताए।
Discussion about this post