बाँके चैत २० गते।
नेपालगन्ज बसपार्कमा यात्रुहरूलाई लुटपाट गर्ने प्रयास गरेको आरोपमा चार जनालाई प्रहरीले हतियारसहित पक्राउ गरेको छ।
जिल्ला प्रहरी कार्यालय बाँकेका प्रवक्ता डीएसपी दीपक पातलीका अनुसार गत मङ्गलबार काठमाडौँ जान तयारी अवस्थामा बसमा बसेका यात्रुहरूमाथि ६–७ जनाको समूहले धाकधम्की, डरत्रास तथा हातपात गर्दै लुटपाट गरेको थियो।
प्रहरीका अनुसार उक्त समूहले यात्रुहरूबाट ५९ हजार रुपैयाँ नगद, मोबाइल फोन तथा अन्य जिन्सी सामान जबरजस्ती लुटेको सूचना प्राप्त भएपछि अनुसन्धान सुरु गरिएको थियो।
अनुसन्धानका क्रममा घटनामा संलग्न चार जनालाई पक्राउ गरिएको प्रहरीले जनाएको छ। उनीहरूको साथबाट कटुवा पेस्तोल र खुकुरीसमेत बरामद गरिएको छ।
पक्राउ पर्नेहरूमा नेपालगन्जका रामु परियार, सुवास बिष्ट, सन्जय क्षेत्री तथा कोहलपुरका सन्दीपजंग क्षेत्री रहेका छन्।
पक्राउ परेकाहरूलाई थप अनुसन्धानका लागि जिल्ला प्रहरी कार्यालय बाँकेमा राखिएको डीएसपी पातलीले जानकारी दिए।
Discussion about this post