बाँके असार १५ गते ।
सरकारले लकडाउन खुकुलो बनाएसँगै चहलपहल ह्वात्तै बढेको छ । लकडाउन खुकुलो भएपछि सरकारी कार्यालय, संघ संस्था र तोकिएका उद्योग व्यवसाय संचालनमा आएका छन् । सरकारी कार्यालयमा आउने सेवाग्राहीले अनिवार्य मास्क लगाउनु पर्ने र सामाजिक दूरीको पालना गर्नु पर्ने अनिवार्य नियम बनाइएको छ ।
बाँकेमा बनाइएको यस्तो नियमको भने सेवाग्राहीले ठाडै अवेज्ञा गरेका छन् । नियम पालना गराउने निकाय समेत मौन देखिएको छ । जिल्ला प्रशासन कार्यालय बाँकेले सेवाग्राहीका लागि बनाएको नियम उक्त कार्यालय बाहेक अन्य कार्यालयमा लागु गराउन नसक्दा कर्मचारीहरु पनि कोरोनाको जोखिममा परेका छन् ।
यातातायात कार्यालयमा ठेलमठेल भीड हुने गरेको छ। मास्क समेत नलाएर आउने सेवाग्राहीलाई सेवा दिँदा कर्मचारीहरु समेत कोरोनाको उच्च जोखिममा परेको एक कर्मचारीले बताए । करिव तीन महिना कार्यालय बन्द हुँदा लाइसेन्स र बुलु बुक नविकरण गर्नेको यातायात कार्यालयमा भीड लाग्ने गरेको हो ।
बाँकेमा कोरोना भाइरस संक्रमणको दर पछिल्लो समय केही कम भएको देखिएपछि प्रशासनले पनि लकडाउनलाई खुकुलो बनाइसकेको छ । बाँकेका अधिकांश सरकारी कार्यालयहरुमा मानिसहरुको भीडभाड देखिने गरेको छ । नेपालगन्जका अधिकांश उद्योग व्यवसाय सन्चालन भइसकेका छन् ।
यातायातमा लगाइएको जोरविजोर प्रर्णाली समेत खारेज भएजस्तै छ । एकजना स्थानीय भन्दै थिए, ‘चेक नै नगरी कोरोना संक्रमण घट्यो भन्नु मुर्खता हो, लकडाउनलाई व्यवस्थित गर्न बाँके प्रहरी प्रशासन असफल हुँदा यसले फेरि भयावह अवस्था निम्त्याउने खतरा छ ।’
बाँकेमा क्वारेन्टिनमा बसेका बाहेक अन्यमा कोरोना भाइरस चेकजाँच हुन सकेको छैन् । त्यसैले पनि प्रहरी प्रशासन कोरोना नबढ्ने आंकलनमा बजार पुरै खुकुलो बनाउँदै लगेको छ ।
Discussion about this post