दाङ असार १६ गते ।
दाङ शान्तिनगर गाउँपालिका वडा नं. २ का अध्यक्ष फर्साराम डाँगीलाई थप उपचारको लागि काठमाडौं लगिएको छ। मंगलबार कार्यकक्षमै नेत्रविक्रम चन्द(विप्लव) नेतृत्वको नेकपाका कार्यकर्ताले धारिलो हतियार प्रहार गरी घाईते भएका डाँगीलाई थप उपचारको लागी हेलिकप्टर मार्फत काठमाण्डौं लगिएको प्रमुख जिल्ला अधिकारी गोविन्द रिजालले जानकारी दिए ।
‘थप उपचार गर्न काठमाडौँ लगिएको छ। वडा अध्यक्ष चोटका कारण बोल्न सक्नु भएको छैन’, उनले भने, ‘जिल्लामा उपचार हुन नसकेपछी हेलिकप्टर मार्फत काठमाडौँ लग्नु पर्यो ।’राप्ती प्रादेशिक अस्पताल तुलसीपुरमा प्राथमिक उपचार गरिएको थियो।मुखुण्डो लगाएर चारजनाको समूहमा कार्यालय भित्र प्रवेश गरेका विप्लवका कार्यकर्ताले कार्यकक्षमै प्रवेश गरेर कुटपिट गरेका थिए ।
घटना स्थलमा प्रतिवन्धित विप्लव नेतृत्व नेकपाको पर्चा भेटिएको थियो । यसैबीच घटना स्थलको सुरक्षा अधिकारीले अनुगमन गरेका छन् । प्रजिअ रिजाल सहित नेपाल प्रहरी र सशस्त्र प्रहरीको सुरक्षा टोलीले घटना स्थलको अनुगमन गरेको हो ।
Discussion about this post