बाँके पुस ७ गते ।
नेपालगन्जको जमुनाह नाका रातीको समयमा खुल्लै हुने गरेको तथ्य भेटिएको छ । जमुनाह नाकामा खटिने नेपाल प्रहरी र सशस्त्र प्रहरीकै सेटिङमा हरेक दिन रातीको समयमा नाका खुल्ला जस्तै हुने गरेको हो । यसले के पुष्टि गर्छ भने लकडाउनदेखि बन्द गरिएको जमुनाह नाका नेपालका प्रहरीलाई कमाउधन्दा बनेको छ ।
नेपाल भारत सीमा क्षेत्र जमुनाहमा अहिले पनि दिउँसोमा नाका बन्द हुने गरेको छ । तर, प्रहरीकै सेटिङमा हरेक दिन रातीको समयमा नाका खुल्ला जस्तै हुने गरेको छ ।
कोरोना महामारी बढेसँगै ९ महिनादेखि बन्द रहेको भारतीय सीमा खुलेको छ । भारतीय सिमा सुरक्षा बलले आम नागरिकलाई सहजै आवत जावत गर्न दिएको छ । यसले भारत जाने आम नेपालीको जमुनाहमा दैनिक मेला लाग्ने गरेको छ । जुमनाह नाका दिउँसोमा बन्द गरिएपनि बेलुका र रातीको समयममा प्रहरीकै सक्रियतामा तस्करी हुँदै आइरहेको छ । यस नाकाबाट हरेक दिन तस्करले सामान आर्यात र निर्यात गरिरहेका छन् ।
प्रहरीसँगको मिलेमतोको आधारमा रातिमा खोलिने जमुनाह नाका दिउँसोमा बन्द गरेर आम नागरिकलाई सास्ती दिनुको कुनै अर्थ नभएको जयसपुरबासी बताउँछन् । रातीको समयमा घुमुवा प्रहरीसँगको मिलोमतोमा जमुनाह प्रहरीका इन्चार्ज विष्णु गिरीले पनि गतिलै रकम झवाम पारिरहेका छन् । उनी डिआइजीको बलमा कमाउ धन्धामा छन् । सामान्यतया ६/६ महिनापछि पोष्ट इन्चार्ज फेरिने गर्छ ।तर गिरी ६ महिना जमुनाह नाकामा बस्दा पनि फेरिने सुरसार छैन् । उनलाई नाकामा घुमुवा प्रहरीले पनि गतिलै साथ दिएका छन् ।
उक्त नाकामा आउजाउ गर्ने नेपाली र भारतीय तथा समान ओसारपसार गर्ने दलालबाट प्रहरीले प्रतिव्यक्ति सामानको तौलका आधारमा पाँच सयदेखि १० हजारसम्म रकम असुल गर्दै आएको जमुनाहमा रहेका प्रहरी अधिकारी नै बताउँछन् । नागरिकसँग रकम असुलीका लागि जिल्ला प्रहरी र जमुनाह प्रहरीले नाकामा सादा पोशाखमा प्रहरी तैनाथ गरिरहेको खुलेको छ ।
नेपालगन्जका कतिपय व्यवसायीहरू प्रहरीको सेट्रिङमा रातीको समयमा रूपैडियाबजार सामान खरिदका लागि जाने र राती नै लाखौं मुल्यका सामान नेपालगन्जमा ओसाने गर्दै आएको जयसपुरका एक स्थानीय व्यवसायी नाम नाप्ने शर्तमा कताउँछन् । यसरी रातीमा सामान पास गराईदिए वापत प्रहरीले ती व्यवसायीबाट मोटो रकम कमिशन लिने गरेको पनि खुलासा भएको छ ।
बाँकेका एसपी ओम बहादुर रानाले समेत जमुनाह नाकामा हुने अवैध धन्दा रोक्न सकेका छैनन् । यती ठूलो मिडियावाजी हुँदा समेत मौन बसिरहेका छन् । भ्रष्टाचार रोक्न नसकेको भन्दै एसपीप्रति बाँकेका सिडियो समेत आक्रोसित बन्दै गएका छन् ।
Discussion about this post