बाँके चैत २ गते ।
बाँके युनेस्को क्लबले बालबालिका र महिलामाथि हुने हिंसा न्युनिकरणका लागि बर्दियाको गुलरियामा सोमवार प्रहरी र कानुन व्यवसायीसंग समन्वय बैठकको आयोजना गरेको छ ।
प्लान नेपालको सहयोगमा सञ्चालन गरिएको बाल बिवाह न्यूनीकरण परियोजना अन्तर्गत महिला, बालबालिका तथा जेष्ठ नागरिक सेल, प्रहरी र कानुन ब्यबसायीसंग सामुहिक रुपमा समन्वय बैठकको आयोजना गरिएको बाँके युनेस्को क्लबका संरक्षक प्रवेज अली सिद्दिकीले बताउनुभयो ।
उहाँले बाल बालिका र महिला माथि हुने हिंसा दर्ता, कार्यान्यवनको अवस्था, चुनौती तथा बाल बिवाह न्युनिकरंणमा प्रहरी तथा कानुन ब्यबसायीको भूमिकाका बारेमा छलफल गरेर सिफारिस संयन्त्रलाई कसरि बलियो बनाउने भन्ने बैठकको मुख्य उदेश्य रहेको बताउनुभयो ।
सो बैठकमा रिपोरटिंग संयन्त्रलाई बलियो बनाउने, सरोकारवाला बीच नियमित रुपमा बैठक बस्ने, बाल बिवाह रोकथामका लागि संयुक्त योजना बनाएर काम गर्ने, समुदाय स्तरका अभियानहरुमा प्रहरी संग समन्वय गरेर काम गर्ने तथा जोखिममा परेका बालबालिकाको तत्काल उद्दार गर्न समन्वयात्मक भूमिका निर्बाह गर्ने निर्णयहरु भएको बाँके युनेस्को क्लबका कार्यक्रम अधिकृत ईश्वर विकले बताउनुभयो ।
बैठकमा बार एसोसियसन बर्दियाका सचिव लक्ष्मी नेपाल, महिला तथा बालबालिका सेवा सेलका प्रमुख सरस्वति पौडेल र गुलरिया नगरपालिकाको महिला तथा बालबालिका शाखा प्रमुख शिला शाह लगायतले बाल बालिका र महिला माथि हुने हिंसा तथा बाल बिवाह न्युनिकरंणका लागि सबै सरोककारवालाहरुले मिलेर काम गर्नु पर्नेमा जोड दिनु भएको थियो ।
क्लबले बालविवाह न्युनिकरण र महिला बेचसिवखन विरुद्ध प्लान नेपालको सहयोगमा बाँके र बर्दियामा विभिन्न परियोजना सञ्चालन गरिरहेको छ ।
Discussion about this post