बाँके चैत २९ गते ।
ठूलो देशले सानोदेशलाई कसरी हेप्छ भन्ने दृष्य हेर्न धेरै टाढा जानु पर्दैन जमुनाहको दशगजा गए पुग्छ । सीमामाथिको आक्रमण, नेपालीलाई अनावश्यक दुख दिँदै आएको भारतीय सुरक्षाअधिकारीहरुले पछिल्लो समय नेपालमाथि निगरानी बढाएको छ ।
नेपाल भारत सिमा जमुनाहको दशगजामा आफुखुशी भारतीय प्रहरीले सिसि क्यामरा जडान गर्दै नेपालमाथि निगरानी बढाएको छ । नेपाल भारत सिमामा यसरी सिसि क्यामरा जडान गर्दा वा अन्य कुनैपनि पुर्वाधार र गतिविधी सन्चालन गर्दा दुई देशको सहमतिमा कसैलाई पनि असर नपर्ने गरी गर्ने दुई देशिय सुरक्षा अधिकारीको बैठकमा निर्णय समेत गरिएको छ ।
तर, यतिबेला दशगजामा भारतीय पक्षले नेपालको जमुनाह सुरक्षा निकाय वा बाँके प्रहरी, प्रशासनसँग कुनै छलफल नै नगरी मापदण्ड विपरित नेपालका गतिविधी सहजै कैद हुने गरी क्यामरा जडान गरिसकेको छ । सिसि क्यामरा नेपालको बाँके स्थित नेपालगन्जतर्फ फकाईएको र केही क्यामरा नियमित घुमिरहने अवस्थामा राखिएको छ । दशगजामा जडान गरिएका भारतीय क्यामराले नेपालन्जको भन्सारसम्मका गतिविधी सहजै कैद गर्न सक्ने जानकारहरू बताउँछन ।
यसलेपनि भारतीय सुरक्षा अधिकारीले बहराइचमा बसेर नेपाल र नेपालगन्जका हरेक गतिविधी निहाली रहेका छन । सुराकी गरिरहेका छन । कोरोना कहरसँगै भारतीय अधिकारी नेपाल आउन नसकेपछि दशगजामा सुरक्षाका निहुँमा सिसि क्यामरा जडान गरिएको र उक्त क्यामराबाट नेपालगन्ज भन्सारसम्मका गतिविधी कैद भैरहेको बहराइच रूपैडिहाका एक पत्रकार नै बताउँछन ।
दशगजा क्षेत्रमा दुई देशको समझदारी बिना क्यामरा राख्नु भारतिय दादागिरि प्रष्ट देखिएको छ ।दशगजामा यसरी क्यामरा राख्दा नेपालसँग बहस तथा समझदारी हुनपर्ने थियो जमुनाहमा भेटिएका नागरिक नेत्रनाथ केसीले भने ‘दुई दशेको समझदारी बिना भारतले दादागिरी शैलीमा कयामरा जडान गरेकोले तत्काल यस बिषयमा नेपाल पक्षले एक्सन लिनपर्ने देखिएको छ ।
’उसले सीमा क्षेत्रमा सुरक्षा निगरानी बढाउँदै क्यामरा जडान गरेको बताएको छ । तर, यसरी क्यामरा जडान गर्दा उसले जमुनाहस्थित प्रहरीसँग समन्वय ता समझदारी गरेको छैन । दशगजासँगै सटेर रहेको जमुनाहमा सर्बसाधारण आवत जावत गर्ने मुख्य बाटोमा क्यामरा जडान गरी सीमा क्षेत्रका गतिविधिमा सुरक्षा सतर्कता बढाएको भारतीय सुरक्षा अधिकारीले बताएका छन् ।
यहाँ रहेका सीसी क्यामरा सञ्चालन र रेखदेख भारतको लखनउमा रहेको एसएसबीको कार्यालयले गर्ने भएको छ । त्यस्तै केन्द्रस्थित दिल्लीमा रहेको एसएसबीको मुख्यालयले त्यस्को मनिटरिङ गरिरहेको बताइएको छ । तर बाँक प्रहरी प्रशासन भने यसबारे अनविज्ञ देखिएका छन् ।
Discussion about this post