काठमाडौं वैशाख २३ गते ।
च्याम्पियन्स लिग फुटबलको उपाधिका लागि यो सिजन दुई इंग्लिस क्लब बिच प्रतिस्पर्धा हुने भएको छ । स्पेनिस जाइन्ट रियल मड्रिडलाई पराजित गरेर चेल्सीले अर्को इंग्लिस क्लब म्यानचेस्टर सिटीसँगको फाइनल भेट पक्का गरेको हो ।
घरेलु मैदानमा बुधबार राति भएको फेमिफाइनल दोस्रो लेगमा चेल्सीले रियल मड्रिडमाथि २–० को जित दर्ता गरेको हो । पहिलो लेगमा १–१ को बराबरी भएकाले चेल्सी समग्रमा ३–१ ले विजयी हुँदै फाइनलमा पुग्न सफल भएको हो । चेल्सीको जितमा टिमो वेर्नर र म्यासन माउन्टले गोल गरेका हुन् ।
२८ औँ मिनेटमा वेर्नर र ८५ औँ मिनेटमा माउन्टले गोल गरेका हुन् । यसअघि मंगलबार राति भएको खेलमा पिएसजीलाई पराजित गरेर म्यानचेस्टर सिटीले फाइनलमा स्थान बनाएको थियो । उपाधिका लागि मे २९ मा स्थानबुलमा चेल्सी र म्यानचेस्टर सिटीबिच प्रतिस्पर्धा हुनेछ ।
ADVERTISEMENT
Discussion about this post