बाँके फागुन ३० गते ।
नेपाली काँग्रेसका महामन्त्री गगनकुमार थापाले एमालेलाई अव मत किन दिने भनेर सर्वसाधरणलाई प्रश्न गर्न कार्यकर्तालाई निर्देशन दिनुभएको छ ।
नेपाली काँग्रेस बाँके क्षेत्र नम्वर एकले आज कोहलपुरमा आयोजना गरेको चुनावीसभालाई सम्वोधन गर्दै उहाँले एमालेले पाँच वर्षसम्म सरकार चलाउन पाएको जिम्मेवारी केपी शर्मा ओलीको अंहकारका कारण असफल भएको बताउनुभयो ।
यस्तै केन्द्रीय सदस्य दीपक गिरीले काँग्रेसको ‘घर–घर जाउँ, कांग्रेस जिताऔं’ अभियानलाई सार्थक पार्न आव्हान गर्नु भएको छ ।
उहाँले आसन्न चुनाव जित्नका लागि भातृ संस्थाहरु अव घरघरमा पुग्नु पर्ने बताउनुभयो ।
यस्तै कार्यक्रममा केन्द्रीय सदस्य संजय गौतम, मैकुलाल बाल्मिकी, लुम्बिनी प्रदेशका सांसद शंकर गिरी, लुम्बिनी प्रदेशका सभापति अमर पुन, काँग्रेस बाँकेका सभापति नारायणप्रसाद गौडेललगायतले बोल्नुभएको थियो ।
कार्यक्रम क्षेत्रीय सभापति पोषण केसीको सभापतित्वमा भएको हो ।
Discussion about this post