बाँके चैत २३ गते ।
लुम्बिनी प्रदेशका श्रम, रोजगार तथा यातायात मन्त्री पुर्मती ढेगामगरले नेपालगन्जस्थित यातायात ब्यवस्था कार्यालयलाई अन्यत्र सानुपर्ने अवस्था देखिएको बताएकी छन् ।
आफू मातहतका कार्यालयको निरीक्षण गर्न नेपालगन्ज आउनु भएकी मन्त्री ढेगामगरले हाल संचालनमा रहेको कार्यालय साँघुरो ठाउँमा भएकोले नेपालगन्जस्थित अन्य सरकारी भवनमा सार्न उपुक्त भएको उनले बताइन् ।
उनले नेपालगन्जमा रहेका सरकारी कार्यालयको खोजी गरि स्थानान्तरण गर्न जिल्ला समन्वय समितिका संयोजक अजयकुमार श्रीवास्तवलाई जिम्मा दिएको बताइन् । ‘सवारी साधनको उच्च चाप हुने कार्यालय साँघुरो राख्न सुहाउँदैन ।
पार्किङका कारण दुर्घटना हुने खतरा छ,’ उनले भनिन्, ‘पार्किङ गर्ने ठाउँ नपाएर सडकमा समेत पार्किङ गरेको पाएँ । यो राम्रो भएन ।’ उनले उपयुक्त ठाउँमा कार्यालय सार्न कार्यालय प्रमुखलाई निर्देशन दिएको समेत बताइन् ।
बाँकेमा सत्ता गठबन्धन वीच तालमेल कसरी हुन्छ भन्ने प्रशंगमा राष्ट्रिय मगरात समन्वय समितिकी अध्यक्ष समेत रहेकी मन्त्री ढेगामगरले जिल्ला नेतृत्वले आवश्यकता अनुसार स्थानीय तहमा तालमेल गर्ने निर्णय भएको बताइन् ।
उनले भनिन्, ‘जिल्ला नेतृत्वले कहाँ कहाँ तालमेल गर्ने भन्छ, त्यहि अनुसार सत्ता गठबन्धनसँग तालमेल हुनेछ,’ उनले भनिन् ।
बाँकेको चार वटा पालिकामा गठबन्धन नगर्ने जिल्ला नेतृत्वले रिपोर्टिङ गरेको उनको भनाई छ ।
‘ग्रासरुटमा पार्टीको अवस्था कस्तो छ भन्ने जिल्ला तहलाई बढि जानकारी हुन्छ । जिल्ला नेतृत्वको निर्णय अनुसार नै पार्टीले उम्मेदवार टुंग्याउने छ,’ उनले भनिन् ।
Discussion about this post